विश्वको सबैभन्दा लोकपिय क्रिप्टोकरेन्सीका रुपमा रहेको बिटक्वाइन १८ हजार ९१८ डलरमा ३ प्रतिशतले बढेर १९ हजार ६६६ को आफ्नो हालसम्मै उच्च रेकर्डको नजिक थियो ।
बिटक्वाइन नोभेम्बर महिनामा मात्र ४० प्रतिशतले बढ्यो, जबकि यस वर्ष करिब १६० प्रतिशतको बढोत्तरी देखियो ।
बिटक्वाइनले आफ्नो १२ वर्षको इतिहासमा उच्च लाभ र समान रुपमा गिरावटको पनि सामना गर्न पुग्यो । स्टक वा बन्डको तुलनामा यसको बजार अत्याधिक अपारदर्शी रहेको छ।
बिटक्वाइन के हो ?
बिटक्वाइन एक डिजिटल मुद्रा वा एक भर्चुअल करेन्सी हो । नेपालमा रुपैयाँ, अमेरिकामा डलर, वेलायतमा पाउन्ड चल्छ र यो भौतिक मुद्रा हो, जसलाई मानिसले देख्न, छुन र नियम अनुसार कुनै पनि ठाउँ वा देशमा यसको प्रयोग गर्न वा ओसारपसार गर्न सक्छन् तर क्रिप्टो करेन्सी भिन्न हुन्छ । अन्य मुद्रा जस्तै यसलाई छाप्ने काम हुँदैन र यसलाई देख्न, छुन सकिदैन । त्यसैले यसलाई केवल अनुभव गर्ने भर्चुअल मुद्रा भनिन्छ। एजेन्सी
