#C6शुक्रवारको कारोबारमा प्रतिकित्ता शेयर ७ प्रतिशत भन्दा धेरैले बढेसँगै कम्पनीको बजार पूँजीकरण ८ खर्ब २० अर्ब डलरमा पुग्यो ।
पछिल्लो वृद्धिसँगै टेस्ला एप्पल, माइक्रोसफ्ट अमेजन र अल्फाबेट पछि बजार पूँजीकरणको आधारमा अमेरिकाको पाँचौं मूल्यवान कम्पनी बनेको छ ।
टेस्लाको बजार पूँजीकरण पहिलो पटक सन् २०१९ को जनवरीमा १ खर्ब डलर नाघेको थियो । त्यसपछिको १० महीनामै बजार पूँजीकरण ५ खर्ब डलरले वृद्धि भयो। सन् २०२० मा कम्पनीको शेयर मूल्य ७०० गुणा भन्दा धेरैले बढ्यो ।
मस्क विश्वका सर्वाधिक धनी व्यक्ति
योसँगै टेस्ला र स्पेस एक्सका सीइओ एलन मस्क विश्वका सबैभन्दा धनी व्यक्ति बनेका छन् । बिहीवार पहिलो पटक मस्कले नेटवर्थमा अमेजनका संस्थापक जेफ बेजोसलाई पछि पारेका थिए ।
ब्लूमबर्ग बिलेनियर्स इन्डेक्स अनुसार शनिवार मस्कको कुल सम्पत्ति २ खर्ब ९० अर्ब डलर पुगेको छ।
२०२० जनवरीमा ब्लूमबर्ग बिलेनियर इन्डेक्सको सबैभन्दा धनी व्यक्तिको सूचीमा मस्क ३५ औँ नम्बरमा रहेका थिए । तर १० महिनाको अवधिमा उनले बिल गेट्सलाई पछि पार्दे दोस्रो धनी व्यक्ति बनेकोमा अब जेफ बेजोसलाई पनि पछि पार्दे उक्त सूचीमा पहिलो नम्बरमा आएका छन् । एजेन्सी
