ट्रायलमा अब ६० अंक ल्याए सवारी लाइसेन्स पाइने ! यस्ताे छ तयारी

Jan 12, 2021 05:04 PM Merolagani

सवारी चालक अनुमति पत्र परीक्षाको मापदण्ड परिमार्जन हुने भएको छ । सरकारले हाल भइरहेको मापदण्डलाई परिवर्तन गरी एक सय पूर्णाङ्क मानेर ६० ल्याउनेलाई पास गर्ने व्यवस्था अघि बढाएको हो ।

अहिले ट्रायल परीक्षामा कुनै एक गल्तीकै कारण फेल र बर्षैसम्म लाइसेन्सविहिन हुनुपर्ने अवस्था छ। अब प्रयोगात्मक परीक्षा (ट्रायल) दिँदा प्रयोग गरिने विभिन्न प्राविधिक ‘प्यारामिटर’लाई निश्चित अंकभार दिएर पूर्णाङ्क (फुलमार्क) गरिने भएको छ । यो व्यवस्था लागू भए ट्रायल परिक्षामा ६० अंक ल्याए पास हुने छ ।

भौतिक पूर्वाधार तथा यातायात मन्त्रालयले यो व्यवस्थाका लागि विभिन्न निकायसँग छलफल गरिरहेको छ । विभागले विगतदेखि नै लाइसेन्सको लिखित तथा प्रयोगात्मक परीक्षा व्यवहारिक नभएको बताउँदै आएको थियो।

लाइसेन्स लिन चाहनेले हाल कार्यालयको वेबसाइटमा गएर फारम भर्नुपर्ने, कार्यालयले तोकेको मितिमा लिखित परीक्षा दिनुपर्ने र लिखित पास भएपछि प्रयोगात्मक परीक्षा दिनुपर्छ । यो प्रक्रिया झन्झटिलो भएको भन्दै नयाँ मान्यता अनुसार सवारी लाईसेन्सलाई प्रभावकारी बनाउने योजना छ । हालको सवारी लाइसेन्स पाउने व्यवस्था कडा र जायज नभएकै कारण प्राय फेल हुने र बढी भीडभाड हुने गरेको अाराेप लाग्ने गरेकाे छ । 

comments powered by Disqus

लगानीको दृष्टिकोण बदल्ने पुस्तक ‘द वारेन बफेट वे’ को सारंश

Jan 20, 2021 07:08 PM

हरेक साताको बुधबार धितोपत्र बजार र अर्थसम्बन्धित पुस्तकहरुको सारंश प्रस्तुत गर्ने क्रममा आज हामीले ‘द वारेन बफेट वे’ पुस्तकको सारंश लिएर आएका छौँ।