नारायणी डेभलपमेन्ट बैंकले हकप्रद निष्काशन प्रयोजनार्थ र ज्योति विकास बैंकले साधारण सभा तथा लाभांश वितरण प्रयोजनार्थ बुकक्लोज गरेसँगै नेप्सेले शेयरमूल्य समायोजन गरी नयाँ शेयरमूल्य तोकेको हो।
नेप्सेले ज्योति विकास बैंक (JBBL) को १० प्रतिशत बोनस शेयर समायोजन गरेको हो। समायोजनपश्चात बैंकको शेयरमूल्य २१८ रुपैयाँ तोकिएको छ। नेप्सेले अघिल्लो कारोबार दिनको अन्तिम मूल्यका आधारमा समायोजन गरेको हो। मंगलबार बैंकको शेयर प्रतिकित्ता २४१ रुपैयाँमा अन्तिम कारोबार भएको थियो।
त्यस्तै, नारायणी डेभलपमेन्ट बैंक (NABBC) को १०० प्रतिशत हकप्रद शेयर समायोजन गरी नेप्सेले नयाँ मूल्य तोकेको हो। बैंकको समायोजित शेयरमूल्य ४६५ रुपैयाँ रहेको छ। मंगलबार बैंकको शेयर प्रतिकित्ता ८२९ रुपैयाँमा अन्तिम कारोबार भएको थियो।
बुधबार यही समायोजित मूल्यलाई आधार मानेर यी दुबै कम्पनीको शेयर कारोबार खुल्नेछ।
