चालु आर्थिक वर्षको पुस मसान्तसम्ममा लघुवित्तले ६ करोड २८ लाख रुपैयाँ खुद नाफा कमाएको छ। यो गत आर्थिक वर्षको सोही अवधिको तुलनामा ६.०४ प्रतिशत कम हो। गत आर्थिक वर्षको सोही अवधिसम्ममा लघुवित्तले ६ करोड ६९ लाख रुपैयाँ खुद नाफा कमाएको थियो। खुद ब्याज आम्दानी सामान्य बढेपनि सम्भावित जोखिम बापतको व्यवस्थामा बढी रकम छुट्याएका कारण लघुवित्तको खुद नाफा घट्न पुगेको हो।
दोस्रो त्रैमासको अन्त्यसम्ममा लघुवित्तले ११ करोड ६३ लाख ९२ हजार रुपैयाँ खुद ब्याज आम्दानी गरेको छ। यो गत आर्थिक वर्षको सोही अवधिको तुलनामा ९.९९ प्रतिशत बढी हो। समीक्षा अवधिमा लघुवित्तको सञ्चालन मुनाफा भने ५.८३ प्रतिशत घटेर ९ करोड ९८ लाख रुपैयाँमा सीमित भएको छ। गत आर्थिक वर्षको पुस मसान्तसम्ममा सम्भावित जोखिम बापतको व्यवस्थामा ३४ लाख ३२ हजार रुपैयाँ मात्र छुट्याएको यस लघुवित्तले चालु आर्थिक वर्षको सोही अवधिमा १ करोड १४ लाख रुपैयाँ छुट्याएका कारण सञ्चालन मुनाफा घट्न पुगेको हो।
८७ करोड ६८ लाख रुपैयाँ चुक्ता पूँजी रहेको यस लघुवित्तको जगेडा कोषमा १९ करोड ९० लाख रुपैयाँ सञ्चित छ। गत आर्थिक वर्षको पुस मसान्तको तुलनामा चुक्ता पूँजी ९.५० प्रतिशत बढेको हो भने जगेडा कोषमा १४.१८ प्रतिशतको सुधार भएको हो।
पुस मसान्तसम्ममा लघुवित्तले ७ अर्ब १ करोड ९४ लाख रुपैयाँ सपाटीबाट ६ अर्ब ६७ करोड ३१ लाख रुपैयाँ कर्जा प्रवाह गरेको छ। लघुवित्तको निष्क्रिय कर्जा शून्य रहेको छ।
पुस मसान्तसम्ममा लघुवित्तको प्रतिशेयर आम्दानी १४ रुपैयाँ ३४ पैसा रहेको छ भने मूल्य आम्दानी अनुपात ४८.४५ गुणा रहेको छ। त्यसैगरी, लघुवित्तको प्रतिशेयर नेटवर्थ १२२ रुपैयाँ ७० पैसा रहेको छ।