आज छापावाला सुन प्रतितोला ९२ हजार ५०० रुपैयाँ र तेजाबी सुन प्रतितोला ९२ हजार रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ । मंगलबार सुन ४०० रुपैयाँले बढेर प्रतितोला ९२ हजार रुपैयाँमा खरिदबिक्री भएको थियो ।
बुधबार सुनसँगै चाँदीको मूल्य पनि बढोत्तरी भएको छ । यस दिन चाँदी तोलामा १५ रुपैयाँले वृद्धि भएर प्रतितोला एक हजार २६० रुपैयाँमा किनबेच हुँदैछ । अघिल्लो कारोबार दिन पनि चाँदीको मूल्य तोलामा १५ रुपैयाँले बढेर प्रतितोला एक हजार २४५ रुपैयाँमा कारोबार भएको थियो ।