यसदिन जापान बाहिरको एशिया–प्यासिफिक शेयर सूचक हालसम्मकै उच्च बिन्दुमा पुगेको छ । उक्त सूचक यसदिन ०.८५ प्रतिशतले बढेको छ ।
यसैगरी चीनियाँ ब्लू–चिप्स शेयर १.२ प्रतिशतले बढेको छ, जबकि अस्ट्रेलियाको शेयरमा ०.६९ प्रतिशतको बढोत्तरी देखिएको छ ।
जापानको निक्केई सूचक यसदिन ०.७२ प्रतिशतले बढेको छ ।
भारतीय शेयर बजार परिसूचक ५० हजार बिन्दु माथि
भारतीय शेयर बजार परिसूचक सेन्सेक्सले पहिलो पटक ५० हजारको बिन्दु पार गरेको छ । अमेरिकामा नयाँ राष्ट्रपतिका रुपमा जो बाइडन शासनमा आएसगै यसको असर भारतीय शेयर बजारमा पनि देखिएको हो ।
बिहीबार सेन्सेक्स सूचक २५८ अंकको बढोत्तरीका साथ ५० हजार ५०.२७ बिन्दुमा कारोबार गरिरहेको छ ।
यसैगरी निफ्टी सूचक पनि ७४.६५ अंकको बढोत्तरीका साथ १४ हजार ७१९.३५ बिन्दुमा कारोबार गरिरहेको छ ।
योसँगै बीएसईमा सूचीकृत कम्पनीहरुको बजार पूँजीकरण १९८.८१ लाख करोड रुपए नाघेको छ । एजेन्सी
