आज छापावाला सुन प्रतितोला ९२ हजार ९०० रुपैयाँमा र तेजाबी सुन प्रतितोला ९२ हजार ४०० रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ। अघिल्लो कारोबार दिन सुन प्रतितोला ९३ हजार १०० रुपैयाँमा खरिदबिक्री भएको थियो।
यसैगरी, शुक्रबार चाँदीको भाउमा पनि सामान्य गिरावट आएको छ। बिहीबार प्रतितोला एक हजार २७५ रुपैयाँमा किनबेच भएको चाँदी यस दिन तोलामा १५ रुपैयाँले घटेर प्रतितोला एक हजार २६० रुपैयाँमा कारोबार हुँदैछ।
सातामा ४०० रूपैयाँ बढ्याे सुनकाे मूल्य
यस साताको पहिलो दुूई कारोबार दिन आइतबार र सोमबार सुनको मूल्यमा सामान्य गिरावट आएको थियो। त्यसपछि लगातार तीन दिनको मूल्य वृद्धिपछि शुक्रबार मूल्य घटेको हो। गत शुक्रबार ९२ हजार ४०० रूपैयाँमा काराेबार भएकाे सुन यस साताकाे शुक्रबार ४०० रूपैयाँ बढेर ९२ हजार ९०० रूपैयाँमा काराेबार भइरहेकाे छ। यस साता सुनको मूल्य सबैभन्दा कम प्रतितोला ९१ हजार ६०० रुपैयाँमा किनबेच भएको थियो भने साताको सबैभन्दा उच्च विन्दुमा बिहीबार ९३ हजार १०० रुपैयाँसम्म पुगेको हो।
चाँदीको भाउमा पनि यस साता सामान्य उतारचढाव देखिएको थियो। साताको पहिलो दिन आइतबार चाँदी प्रतितोला एक हजार २३० रुपैयाँमा कारोबार भएकोमा बिहीबार प्रतितोला एक हजार २७५ रुपैयाँसम्म पुगेको थियो।