क्यापिटलले पछिल्लो समयमा डिम्याट खाता खोल्ने सर्वसाधारणहरुको संख्या बढ्दो क्रममा रहेको र डिम्याट खाता प्राप्त गर्न लामो समय लाग्ने भन्ने आम जनगुनासो बारम्बार आईरहेको हुँदा सर्वसाधारणहरुलाई प्रविधिको प्रयोग मार्फत तुरुन्त डिम्याट खाता नम्बर उपलब्ध गराउने प्रमुख उद्देश्यका साथ साे सेवा संचालन गरेकाे हाे ।
हाललाई यो सेवा काठमाण्डौं उपत्यका भित्र मात्र उपलब्ध हुनेछ । साथै निकट भविष्यमा काठमाण्डौं उपत्यका बाहिरबाट समेत अनलाईन मार्फत डिम्याट खाता खोल्न मिल्ने व्यवस्था मिलाइने क्यापिटलले जानकारी दिएकाे छ ।
अनलाईन मार्फत डिम्याट खाता खोल्नको लागि एन आई सी एशिया क्यापिटलको www.nicasiacapital.com वा सोझै https://onlinedemat.nicasiacapital.com/#/ र मा क्लिक गरि विवरण भरेपछि उक्त विवरण सफलतापूर्वक पेश भएको १ घण्टा भित्र डिम्याट खाता नम्बर उपलब्ध गराईने सम्बन्धित सबैमा जानकारी गराईनेछ। साथै उक्त सुविधा आइतबार देखि बिहीबार सम्म दिनको ४ बजे र शुक्रबार दिनको १ बजेसम्म उपलब्ध हुनेछ ।
हाल क्यापिटलले आम जनता माझ डिम्याट खाताको पहुच बढाउन विभिन्न कार्यक्रम संचालन गरि “एक नेपाली, एक डिम्याट” अभियान संचालन गरिरहेको छ ।
