अहिले उपकरणहरु परीक्षण गरिरहेको आयोजनाले आगामी शुक्रबारदेखि पानी भर्ने र परीक्षण थाल्ने भएको छ । १५ दिनको परीक्षण उत्पादनपछि व्यावसायिक उत्पादन थाल्ने आयोजनाले जनाएको छ ।
आयोजनाबाट उत्पादित बिजुली लामोसाँघु सवस्टेशनमा जोडिने भएको छ । उक्त सबस्टेसनसम्म आवश्यक २२ किलो मिटर प्रसारण लाइन कम्पनीले निर्माण गरेको हो ।
सिन्धुपाल्चोकमा रहेको उक्त आयोजना शिवश्री हाइड्रो पावर कम्पनीले निर्माण सुरु गरेको हो । २०६९ बाट निर्माण सुरु भएको उक्त आयोजना बाढी पहिरोले आयोजनाका उपकरण बगाउनुका साथै मानवीय क्षति समेत पुर्याएको थियो ।
२०७२ सालमा आएको विनाशकारी भूकम्प, भारतीय नाकाबन्दी र बाढी पहिरोका कारण बिजुली उत्पादन निर्धारित समयभन्दा केही ढिला हुन गएको कम्पनीले जनाएका छ ।