यस दिन लगानीकर्ताहरु प्रोफिट बुकतर्फ लाग्दा कोरोबार समयमा नेप्से सूचकमा सामान्य करेक्सन देखिएको थियो तर लगानीकर्ताले पुनः खरिद बढाएपछि नेप्से सूचक १६ अंकले बढेर बन्द भएको छ।
यस दिन नेप्से सूचक १६.०४ अंकले बढेर २४४०.८८ विन्दुमा पुगेको छ तर सेन्सेटिभ सूचक भने ०.२४ अंकले घटेको छ।
सोमबारको बजारमा लगानीकर्ताकाे बैंकिङ्ग र व्यापारमा बढी अाकर्षण देखिन्छ। विगत केहि दिनदेखि बढ्न नसकेको बैंकिङ्ग समूहको सूचक सोमबार १.३९ अंकले बढेको छ भने माइक्रोफाइनान्स हाइड्रोपावर लगायतका उपसमूहको सूचकमा गिरावट आएको छ।
यस दिन कारोबार रकम पनि झण्डै ९ अर्ब रुपैयाँ पुगेको छ। सोमबार २०८ वटा कम्पनीको १ करोड ९२ लाख कित्ता शेयर ८ अर्ब ९० करोड रुपैयाँमा खरिद बिक्री भएको छ।
सोमबार कारोबारमा आएका ५ वटा कम्पनीको शेयर सर्किट लेभलमा कारोबार भएको छ। नागरिक लगाानी कोषको शेयरमूल्य सबैभन्दा धेरै १० प्रतिशतले बढेको छ भने गुँरास लघुवित्तको ९.९५ प्रतिशत, प्रभु लाइफ इन्स्योरेन्सको ९.८७ प्रतिशत, माउन्टेन इनर्जीको ९.८१ प्रतिशत, नेशनल हाइड्रोको ९.४० प्रतिशत र हिमालयन पावर पार्टनरको ९.३८ प्रतिशतले बढेको छ।
यता श्री इन्भेष्टमेन्ट फाइनान्सको शेयरमूल्य सबैभन्दा धेरै ६.९८ प्रतिशतले घटेको छ भने सिन्दु विकास बैंकको ५.४७ प्रतिशत, प्रोग्रेसिभ फाइनान्सको ५.४१ प्रतिशत र ग्रामिण विकास लघुवित्तको ५.०४ प्रतिशतले घटेको छ।
यस दिन नेपाल लाइफ इन्स्योरेन्सको सबैभन्दा धेरै ६० करोड ३७ लाख रुपैयाँ बराबरको शेयर कारोबार भएको छ भने नविल बैंकको ३३ करोड १७ लाख, एनसिसि बैंकको ३१ करोड ३५ लाख , एनआइसि एशिया बैंकको २९ करोड ७६ लाख र नेपाल बैंकको २८ करोड ६० लाख रुपैयाँको शेयर कारोबार भएको छ।