बैंकले नेपाल प्रज्ञा प्रतिष्ठान, कमलादी, काठमाडौँमा विशेष साधारण सभा डाकेको हो। सो सभा बिहान १० बजे शुरु भएको हो। सो सभामा भिडियो कन्फ्रेन्स (जुम मिटिङ्गं) मार्फत सहभागी हुन शेयरधनीहरुलाई जुम आईडि र पासकोड उपलब्ध गराउने व्यवस्था गरेको छ।
सभामा सर्वसाधारण शेयरधनी समूहको तर्फबाट प्रतिनिधित्व गर्ने ३ जना सञ्चालकहरुको निर्वाचन गर्ने, विशेष प्रस्तावहरुको संशोधनमा नेपाल राष्ट्र बैंक वा अन्य नियमन निकायहरुबाट कुनै थपघट वा संशोधन गर्न निर्देशन भएमा आवश्यक संशोधन तथा परिमार्जन गर्न सञ्चालक समिलिाई पूर्ण अख्तियारी दिने निर्णय पारित गरिनेछ।
विशेष साधारण सभा प्रयोजनार्थ बैंकले फागुन २३ गतेदेखि चैत ३ गतेसम्म बुकक्लोज गर्ने भएको छ। यस अनुसार फागुन २१ गते शुक्रबार र २२ गते शनिबार भएकोले फागुन २० गतेसम्म नेप्सेमा कारोबार भइ कायम शेयरधनीहरुले सो सभामा सहभागिता जनाउन सक्नेछन्।