बिहिबार दूरसञ्चार प्राधिकरणको २३ औं बार्षिक उत्सबमा बोल्दै सञ्चार तथा सूचना प्रविधि मन्त्री पार्वत गुरुङ्ले इन्टरनेट शुल्क घटाउने बताए ।
आगामी आर्थिक बर्षको बजेट मार्फत दूरसञ्चार क्षेत्रमा लाग्दै आएको करलाई हेरफेर गरी उपभोक्ताले तिर्दै आएको इन्टरनेट शुल्क घटाइने मन्त्री गुरुङको भनाई छ ।
‘अन्तराष्ट्रिय व्यान्डवीथको शुल्क बर्षेनी घट्दै जाने तर नेपालको इन्टरनेट शुल्क बढ्दै जाने देखिएको छ’ उनले भने ‘इन्टरनेट सेवाप्रदायकहरुसँगको छलफलपछि इन्टरनेट शुल्क सस्तो बनाइने छ ।’
प्राधिकरणका अध्यक्ष पुरुषोत्तम खनालले डिजिटल नेपालको अवधारणालाई साकार पार्न र उपभोत्तालाई भार नपर्ने गरी इनटरनेट सेवाको मुल्य समायोजन हुने बताए ।
