यस दिन छापावाला सुन प्रतितोला ८५ हजार ६०० रुपैयाँमा कारोबार भइरहेको नेपाल सुनचाँदी व्यवसायी महासंघको तथ्यांकले देखाउँछ । यस्तै तेजाबी सुनको पनि मूल्य घटेर प्रतितोला ८५ हजार १५० रुपैयाँमा खरिदबिक्री हुँदैछ ।
अघिल्लो कारोबार दिन पनि सुन तोलामा एक हजार रुपैयाँले ओरालो लागेर प्रतितोला ८६ हजार ५०० रुपैयाँ तोकिएको थियो । पछिल्लाे एक सातामा सुनकाे मूल्य ताेलामा तीन हजार २०० रूपैयाँले गिरावट भएकाे छ । गत साताकाे शुक्रबार सुन प्रतिताेला ८८ हजार ८०० रूपैयाँ ताेकिएकाे थियाे ।
शुक्रबारको कारोबार मूल्य २०७७ कै सस्तो मूल्य हो । २०७७ को पहिलो कारोबार दिन, जेठ २५ गते, सुन प्रतितोला ८७ हजार ४०० रुपैयाँमा कारोबार भएको थियो । त्यसयता भने सुनको मूल्य निरन्तर उकालो लागेको छ । २०७७ काे वैशाखमा काेराेना महामारीले गर्दा जारी गरिएकाे लकडाउनका कारण सुनकाे कुनै मूल्य ताेकिएकाे थिएन । २०७६ काे अन्तिम काराेबार दिन सुन प्रतिताेला ७७ हजार रूपैयाँमा किनबेच भएकाे नेपाल सुनचाँदी व्यवसायी महासंघकाे तथ्यांकमा उल्लेख छ ।
शुक्रबार सुनको मात्र नभई चाँदीको मूल्यमा पनि गिरावट देखिएको छ । साताको अन्तिम कारोबार दिन चाँदी तोलामा ३५ रुपैयाँले घटेर प्रतितोला एक हजार २५० रुपैयाँमा किनबेच हुँदैछ । बिहीबार चाँदी ३० रुपैयाँले ओरालो लागेर प्रतितोला एक हजार २८५ रुपैयाँमा कारोबार भएको थियो ।
एक साताकाे अवधिमा चाँदी ताेलामा ८५ रूपैयाँले गिरावट भएकाे महासंघले जनाएकाे छ । अघिल्लाे साताकाे शुक्रबार चाँदी प्रतिताेला एक हजार ३३५ रूपैयाँमा खरिदबिक्री भएकाे थियाे ।