पुस अन्तिमसम्ममा ३० अर्ब ९१ करोड रुपैयाँ खुद नाफा कमाएका बैंकहरुकाे नाफा माघ अन्तिमसम्ममा १६.३० प्रतिशतले बढेको हो।
यस अवधिमा ग्लोबल आइएमई बैंकले सबैभन्दा धेरै २ अर्ब ७० करोड रुपैयाँ खुद नाफा कमाएको छ। पूँजीको आधारमा सबैभन्दा ठुलाे बैंक बनेको ग्लोबल पछिल्लाे समय सबैभन्दा धेरै नाफा कमाउने बैंकको रुपमा देखिएको छ। पुस मसान्तसम्ममा पनि वाणिज्य बैंकहरुमा ग्लोबल आइएमई बैंकले सबैभन्दा धेरै नाफा कमाएको थियो।
त्यसैगरी, धेरै नाफा कमाउने बैंकको दोस्रो स्थानमा नबिल बैंक रहेको छ। उसले चालु आर्थिक वर्षको ७ महिनामा २ अर्ब ३८ करोड रुपैयाँ खुद नाफा कमाएको छ।
नेपाल इन्भेष्टमेन्ट बैंक र प्राइम बैंकले पनि यस अवधिमा २ अर्ब रुपैयाँभन्दा धेरै नाफा कमाएका छन्। केन्द्रिय कैंकको तथ्याङ्क अनुसार इन्भेष्टमेन्ट र प्राइम बैंकले यस अवधिमा क्रमशः २ अर्ब १२ करोड ६ लाख र २ अर्ब १२ करोड १४ लाख रुपैयाँ नाफा कमाएका छन्।
सिभिल बैंक भने सबैभन्दा कम नाफा कमाएकाे छ। यस अवधिमा सिभिलले २८ करोड २९ लाख रुपैयाँ खुद नाफा कमाएको छ। पुस मसान्तसम्ममा १ अर्ब रुपैयाँभन्दा कम नाफा कमाउने बैंकहरुमा सिटिजन्स बैंक, लक्ष्मी बैंक, माछापुच्छ्रे बैंक, नेपाल बंगलादेश बैंक, बैंक अफ काडमाण्डौ, स्ट्यान्डर्ड चाटर्ड बैंक, हिमालयन बैंक, एनसिसि बैंक, नेपाल एसबिआई बैंक, सेञ्चुरी बैंक र सिभिल बैंक रहेका छन्।
सरकारी स्वामित्वको राष्ट्रिय वाणिज्य बैंकले यस अवधिमा १ अर्ब ९७ करोड रुपैयाँ नाफा कमाएको छ भने कृषि विकास बैंक र नेपाल बैंकले क्रमशः १ अर्ब ५२ करोड र १ अर्ब ५८ करोड रुपैयाँ नाफा कमाएका छन्।
- हेराैँ कुन बैंककाे नाफा कति?
स्राेतः नेपाल राष्ट्र बैंककाे मासिक विवरण