गत आर्थिक वर्षको तेस्रो त्रैमासमा १ अर्ब ४५ करोड १० लाख रुपैयाँ नाफा कमाएको बैंकले चालु आर्थिक वर्षको सोहि अवधिमा १ अर्ब ९७ करोड रुपैयाँ खुद नाफा कमाएको छ जुन ३५.९५ प्रतिशतले धेरै हो।
बैंकको खुद ब्याज आम्दानीको साथै अन्य स्रोतमार्फत हुने आम्दानी पनि बढ्दा उसको नाफा बढेको हो।
यस अवधिमा बैंकको खुद ब्याज आम्दानी २८ प्रतिशतले बढेर ४ अर्ब ८ करोड रुपैयाँ पुगेको छ भने सञ्चालन नाफा पनि ३३ प्रतिशतले बढेको छ। यस अवधिमा बैंकले सम्भावित जोखिम बापत २७ करोड रुपैयाँ छुट्याएको छ।
बैंकको वितरणयोग्य नाफा पनि ४५ करोडबाट बढेर १ अर्ब २९ करोड रुपैयाँ पुगेको छ।
समीक्षा अवधिमा बैंकको निक्षेप संकलन ४ प्रतिशतभन्दा धेरैले बढेको छ भने कर्जा लगानी ३२ प्रतिशतले बढेको छ।
हाल १४ अर्ब ६५ करोड रुपैयाँ चुक्ता पूँजी रहेको बैंकको जगेडामा २ अर्ब ९७ करोड रुपैयाँ छ। पूँजी वृद्धिका कारण बैंकको प्रतिशेयर आम्दानी भने बढ्न सकेको छैन। हाल बैंकको प्रतिशेयर आम्दानी १८ रुपैयाँ छ भने प्रतिशेयर नेटवर्थ १३६ रुपैयाँ रहेको छ।