गत आर्थिक वर्षको तेस्रो त्रैमासमा ९१ करोड ५७ लाख रुपैयाँ नाफा कमाएको बैंकले चालु आर्थिक वर्षको सोहि अवधिमा ३५ करोड ८१ लाख रुपैयाँ खुद नाफा कमाएको छ जुन ६०.८९ प्रतिशतले कम हो।
बैंकको खुद ब्याज आम्दानीको साथै सञ्चालन नाफा पनि घट्दा उसको नाफा घटेको हो।
यस अवधिमा बैंकको खुद ब्याज आम्दानी १४ प्रतिशतले घटेर १ अर्ब ९१ करोड रुपैयाँमा झरेको छ भने सञ्चालन नाफा पनि ६२ प्रतिशतले घटेको छ।
बैंकको वितरणयोग्य नाफा भने १३ करोडबाट बढेर २२ करोड रुपैयाँ पुगेको छ।
समीक्षा अवधिमा बैंकको निक्षेप संकलन ३३ प्रतिशतभन्दा धेरैले बढेको छ। कर्जा लगानी पनि २६ प्रतिशतले बढेको छ।
हाल ९ अर्ब ३ करोड रुपैयाँ चुक्ता पूँजी रहेको बैंकको जगेडामा १ अर्ब ३८ करोड रुपैयाँ छ। बैंकको प्रतिशेयर आम्दानी पनि १४ रुपैयाँबाट घटेर ५ रुपैयाँमा झरेको छ भने प्रतिशेयर नेटवर्थ ११७ रुपैयाँ रहेको छ।
