अझ भन्ने हो भने मोटरसाइकल छोडेर कार तर्फ आकर्षित हुने पनि कम छैनन् । पछिल्लो समय कोरोना भाइरस संक्रमणको जोखिमले सार्वजनिक यातायात ठप्प भएको अवस्थामा आफ्नै साधनमा मानिसहरुले बढी जोडदिन थालेका छन ।
त्यसैले समान्य कमाई हुने व्यक्तिले पनि गाडी नै चढ्न रुचाउन थालेका छन्।
पछिल्लो समय बैंकहरुले दिने अटो लोन र डाउन पेमेन्ट सुविधाले पनि महङ्गादेखि सस्ता कार खरिद गर्न कुनै नौलो कुरा रहेन ।
आम्दनीको स्रोत हुनेहरुलाई अटो लोन लिएपछि गाडी चढ्ने सपना कुनै नौलो कुरा भएन । तर, पछिल्लो समय मध्यमवर्गीय परिवारले पनि गाडीको सपनालाई साकार पादै गएका छन जुन सस्ता कार नै हुन ।
खासगरी गाडी निर्माता कम्पनीहरुले पनि मध्यमवर्गीय ग्राहकलाई लक्षित गदै साना तथा सस्ता गाडी बजारमा भित्र्याउने क्रम बढ्दो छ । साना,सस्तो र धेरै माइलेज दिने कारहरुको माग बढ्दो क्रममा छ ।
अहिले बजारमा यस्ता सस्ता कार छन जसले समान्य परिवासलाई पनि गाडी चढ्न सक्ने सुविधा दिएको छ भने ३० देखि ५० प्रतिशत डाउनपेमेन्ट सुविधाको उपभोग गर्दा गाडी किनेर घरैमा ल्याउन सकिने भएको छ ।
सामान्यतया नेपालमा हुन्डाई, सुजुकी, टाटा लगाएतका कम्पनीका साना तथा बजेट मुल्यका गाडी लोकप्रिय छन् ।
त्यसैले आज हामी तपाईहरुलाई तपाईंले खोजेको र सस्तो कारहरुको बारेमा जानकारी दिदैछौं जुन नेपाली बजारमा सहजै उपलब्ध छन् ।
टाटा टियागो
केहि बर्ष अघि मात्रै नेपाली बजारमा यो कार सार्वजनिक भएको थियो । उत्कृष्ट डिजाइनसहित विभिन्न फिचर्सका कारण टियागोले गाडी पारखीहरुलाई तानेको छ ।
टाटा मोटर्सको नेपालको आधिकारिक विक्रेता सिप्रदी ट्रेडिङ प्रालिले नेपाली बजारमा ल्याएको यो गाडी स्ट्राइकर ब्ल्यू, बेरी रेड, सनब्रस्ट अरेन्ज, एक्प्रेसो ब्राउन, पर्लसेन्ट ह्वाइट र ल्पाटिनम सिल्भर कलरमा उपलब्ध छ ।
टियागोको प्रारम्भिक मूल्य २४ लाख रुपैयाँ छ । अन्य भेरियन्ट २८ लाख सम्म मूल्य तोकिएको छ । १२ सय सीसीको कार मोटरसाइकलको विकल्प खोज्नेहरुका लागि एउटा राम्रो अप्सन समेत रहेको छ ।
मारुती–सुजुकीको अल्टो
मारुती सुजुकी पछिल्लो समय इन्ट्रीलेभल कारको रुपमा लोकप्रिय छ । नेपाली बजारमा अल्टोको अपग्रेडेड भर्सन आएपछि उपभोक्ताले अत्याधिक रुचाएको कम्पनीले जनाएको छ ।
सिजी मोटोकोर्पका अनुसार अल्टो ८०० सीसी इञ्जिन क्षमताको कार हो । यो गाडी ६ वटा कलरमा उपलब्ध रहेको कम्पनीले जनाएको छ ।
१ सय ६५ मिलिमटिरको ग्राउण्ड क्लियरेन्स रहेको कारमा ३५ लिटरको पेट्रोल टयांकी छ । प्रतिलिटर २४ दशमलव ७ किलोमिटर माइलेज दिने यो कारले ग्राहकको मन लोभ्याएको छ ।
नेपाली बजारमा अल्टोको मूल्य १९ लाख तोकिएको छ भने अल्टो एलएक्स आईको मूल्य २१ लाख, भिएक्सआईको मुल्य २३ लाख छ । अल्टोले शहरी क्षेत्र मै पनि १९ किलोमिटर प्रतिलिटरको माइलेज दिन्छ ।
डाटसन रेडी गो
नेपाली बजारमा सस्तो र भरपर्दो कारको रुप्मा डाट्सन रेडी गोलाई पनि लिइन्छ । ९ सय सीसी क्षमताको यो गाडी नेपाली बजारमा २३ लाख रुपैयाँ रहेको छ । डाटसनका अन्य भेरियन्ट खरिद गर्न भने २५ देखि २८ लाख खर्च गर्नुपर्ने हुन्छ ।
हाल नेपालको लागि डाटसन गाडीको अाधिकारिक वितरक पायोनियर मोटोकर्प रहेको छ । फेमिली ह्याचब्याक कारको रुपमा चिनिने यो कारले प्रति लिटर २५ किलोमिटर माइलेज दिने कम्पनीले जनएको छ ।
१८५ एमएल ग्राउन्ड क्लियरेन्स, एयर व्याग, म्यान्युअल ट्रन्समिसन, एवीएस, फ्ल्ग ल्याम्प यो गाडीको मुख्य विशेषता हो ।
रेनो क्वीड
नेपाली बजारमा रेनो क्वीड ८ सय र १ हजर सिसीमा उपलब्ध ह्याचब्याक ‘रेनो क्वीड’ इन्ट्री लेभलको कार हो । फरक डिजाइन र माइलेजले नै नेपालमा सबैको ध्यान खिचेको छ । एयरब्याग, एयर कन्डिसनसहित सुन्दर आन्तरिक सजावटले यसलाई थप आकर्षक बनाएको छ ।
यसले २५.१७ किलोमिटर प्रतिलिटरको माइलेज दिने यो गाडीमा क्वीडको ग्राउण्ड क्लियरेन्स १८० एमएम छ । रेनो क्वीडको न्युनतम् सुरुवाती मुल्य २३ लाख रहेको छ । अन्य भेरियन्टको २८ देखि ३० लाखसम्म पर्न आउने कम्पनीले जनाएको छ ।
हुण्डाइको इओन
हुन्डाइन इओन नेपालको सबैभन्दा सस्तो इन्ट्री लेभलको कार हो । उत्कृष्ट डिजाइन र सस्तो भएकै कारण नेपाली बजारमा यो गाडी लोकप्रिय छ ।
८ सय सीसीको इओनमा १ सय ७० एमएमको ग्राउण्ड क्लिरेन्स छ । यसै कारण पनि ग्राहकको मन जित्न यसलाई गाह्रो परेको छैन ।
बजारमा पेट्रोल भर्सनको इओन डिलाइटको प्रारम्भिक मूल्य १८ लाख ९६ हजार रुपैयाँ छ । फुल अप्सनको इओनको मूल्य २३ लाख रुपैयाँसम्म पर्छ ।
