प्राधिकरणले निषेधाज्ञामा ग्राहक घर भित्रै रहेको र सेवा प्रयोगबापतको रकम भुक्तानी गर्न नसक्ने अवस्थामा रहेको भन्दै यस्तो निर्देशन दिएको हो ।
पछिल्लो समय निषेधाज्ञा पनि काठमाडौं उपत्यका सहित देशैभर इन्टरनेटको माग बढिरहेको छ अघिपछि भन्दा ३० प्रतिशत इन्टरनेट व्यान्डवीथ बढी खपत भइरहेको सेवाप्रदायकले बताउदै आएका छन् । यस्तो अवस्थामा पनि सेवाप्रदायकलाई नियामकले यस्तो आग्रह गरेको छ ।
प्राधिकरणले भनेको छ ‘सरकारले जारी गरेको निषेधाज्ञा अवधिभर इन्टरनेटको शुल्क नबुझाए पनि सेवा अवरुद्ध नगर्न सेवा प्रदायकलाई आग्रह गर्दछ र निषेधाज्ञा अवधिभर इन्टरनेट निरन्तर सञ्चालन हुने व्यवस्था गर्न अनुरोध छ’ ।
सेवाग्राही घरभित्रै बस्नुपर्ने बाध्यता रहेकाले इन्टरनेटको पैसा तिर्न सकिरहेका छैनन।यस्तो अवस्थामा इन्टरनेट तथा टेलिफोन सेवा अवरुद्ध नगर्न अनुरोध छ’ विज्ञप्तिमा भनिएको छ ।
गत बर्षको निषेधाज्ञामा पनि सेवाप्रदायकलाई नियामकले यस्तै निर्देशन दिएको थियो । सेवाप्रदायकले पनि लकडाउन अवधिभन्दा पछि नै सेवाग्राहीलाई इनटरनेट सेवाको भुक्तानी गर्न मौका दिएका थिए ।
एक इन्टरनेट सेवाप्रदायक कम्पनीका अघिकारीले भने प्राधिकरणले भने बमोजिमको अाग्रहलाई स्वीकार गर्न नसकिने अवस्थामा इनटरनेट सेवाप्रदायक रहेको बताए ।
‘बढी व्यान्डवीथ खपतको कारण थप व्यान्डवीथ आयात गरेर सेवाग्राहीलाई सेवा दिइरहेका छौं ती अधिकारीले भने ‘यस्तो अवस्थामा कसरी व्यवस्थापन गर्ने अलमलमा छौं’ ।
