सरकारले कोरोना भाइरस रोकथाम तथा संक्रमण फैलिन नदिन देशभर लकडाउन गरेको ११ दिन बितिसकेको छ । यो अवधिमा घरैमा बसेका अधिकांशले इन्टरनेटमा भिडियो कन्टेन्ट प्रयोग गरिरहेका छन ।
मानिसहरु भिडियो कन्टेन्ट, युटुब, फेसबुक र टिकटकमा बढी संक्रिय भएपछि इन्टरनेट ब्याण्डविथ खपत र इन्टरनेट ट्राफिक निकै बढेको सेवा प्रदायकहरुको भनाई छ ।
टेलिकम कम्पनी र फाइबर इन्टरनेट सेवाप्रदायकका अनुसार यो समयमा सामान्य अवस्था भन्दा ४० देखि ४५ प्रतिशतसम्म बढी इन्टरनेट प्रयोगको भइरहेको छ ।
इन्टरनेट सेवा प्रदायक संघ नेपालका अध्यक्ष तथा सुविसु केबल नेटका संस्थापक सुधीर पराजुलीलेले पनि भिडियोमा आधारित कन्टेन्टहरुको प्रयोग र माग शतप्रतिशत बढेको बताउँदै ब्यान्डबिथ खपत उच्च देखिएको जानकारी दिए ।
उनका अनुसार भिडियो कन्टेन्टले व्यान्डवीथ खपत अनियन्त्रित भएकाले सेवाप्रदायकले धान्न नसक्ने अवस्थामा पुगेको छ । ‘यूट्यूब र फेसबुक भिडियोको प्रयोग शतप्रतिशत बढेको छ’ उनले भने ।
त्यस्तै भायानेट कम्युनिकेशन प्रालिका प्रबन्ध निर्देशक विनय बोहराले लकडाउनमा मानिसहरु गुगल र युटुबमै व्यस्त रहेको जानकारी बताए । उनका अनुसार पछिल्लो पटक फेसबुकले भिडियोमा आधारित फिचर ल्याएपछि सेवाग्राहीका आकर्षण त्यतै तर्फ रहेको उनको बोहोराको भनाई छ ।
‘पछिल्लो समय ९०० जीबिपिएस सम्म इन्टरनेट खपत भइरहेको छ’ उनले भने ‘ दिउसो ११ देखि ४ बजेसम्म र वेलुकी ७ बजेदेखि ११ बजेसम्म इन्टरनेटमा बढी ट्राफिक छ’ । कहिलेकाही इन्टरनेटको प्रयोग १ टिविपिएस सम्म पनि पुगेको रेकर्ड सेवाप्रदायक सँग छ ।
यतिवेला काठमाडौं उपत्यका लगाएत देशैभरका कार्यालयहरु वर्कफ्रम होममा आधारित छन जसले गर्दा यस्तो अवस्था आएको छ ।
फाइबर इनटरनेट सेवामा मात्रै होइन मोबाइल डेटा तर्फ पनि उतिकै चाप रहेको दूरसञ्चार सेवाप्रदायकले जनाएका छन् ।
गत बर्ष लकडाउनकै समयमा टेलिकम कम्पनीहरुले ग्राहकलाई मोबाइल डेटा २५ प्रतिशत सस्तोमा उपलब्ध गराएका थिए भने इन्टरनेट सेवाप्रदायकललाई सेवामा २५ प्रतिशत छुट दिन सरकारले निर्देशन दिएको थियो ।
नेपाल दू्रसञ्चार प्राधिकरणले ग्राहकहरुले सेवा शुल्क तिर्न नसकेर भन्दै इनटरनेट सेवाको नवीकरण नगरेपनि लाईन नकाट्न निर्देशन दिएको छ ।
