यस अघि कम्पनीले गत असार ३ गतेदेखि १० गतेसम्म १३ लाख ८० हजार ७१८ कित्ता संस्थापक समूहको अवितरित हकप्रद शेयर बोलकबोल प्रक्रियाबाट खरिद गर्न आह्वान गरेको थियो। सो अवधिभित्र आवेदन नपरेको ११ लाख ३५ हजार ५५८ कित्ता शेयर कम्पनीले पुनः लिलाम बिक्री गर्न लागेको हो।
सो शेयर खरीदका लागि साउन ५ गतेसम्म गोप्य शिलबन्दी बोलपत्र पेश गर्न सकिनेछ। शेयरको न्यूनतम मूल्य १०० तोकिएको छ। लगानीकर्ताले सो वा सोभन्दा बढी मूल्य अंकित गरी बोलकबोल गर्नुपर्नेछ।
उक्त शेयरमा बोलपत्र पेश गर्दा न्यूनतम १०० कित्तादेखि अधिकतम सम्पूर्ण कित्तासम्म माग गर्न सकिने व्यवस्था छ। शेयर बिक्री प्रबन्धकमा बिओके क्यापिटल लिमिटेड रहेको छ।
लगानीकर्ताले बिक्री प्रबन्धकका साथै बैंक अफ काठमाण्डूका विराटनगर, वीरगञ्ज, पोखरा, बुटवल, सुर्खेत, नेपालगञ्ज, धनगढी शाखा कार्यालय र समृद्धि फाइनान्सका केन्द्रिय कार्यालय हेटौँडा तथा शाखा कार्यालय बुटवल, पोखरा र नारायणगढमा बोलपत्र प्राप्त गर्न र पेश गर्न सक्नेछन्।
