पुरानो वेबसाइटको डाटा नयाँमा सार्न थालिएकै कारण पुरानो वेबसाइट यति बेला लगानीकर्ताले हेर्न पाएका छैनन्। प्राविधिक काम भइरहेकोले लगानीकर्ताले पुरानो वेबसाइट हेर्न नपाएको नेपाल स्टक एक्सचेन्जले जनाएको छ।
हाल नेप्सेको दुईवटा वेबसाइट सर्वसाधारणको लागि उपलब्ध छन्। जसमा नेपाल स्टक डट कम र नेपाल स्टक डट कम डट एनपी छन्। आउने दिनमा नेप्सेले पुरानो वेबसाइट नेपाल स्टक डट कम बन्द गर्दै छ भने नेपाल स्टक डक कम डट एनपीलाई स्तरोन्नति गर्दै लगेको जनाएको छ।
तत्कालको लागि दुवै वेबसाइट सञ्चालन गर्ने भएपनि सर्वसाधारणले भने नेपाल स्टक डट कम डट एनपीमै लग इन गर्नु पर्ने छ। लगानीकर्तालाई केही समय पुरानो वेबसाइट हेर्ने सुविधा पनि नेप्सेले उपलब्ध गराउने छ। तर त्यसको लागि भने नेप्सेको नयाँ वेबसाइटमै गएर ओल्ड साइट भन्ने फिचरमा किल्क गरेपछि मात्रै पुरानो वेबसाइटमा जान सक्ने नेप्सेको भनाई छ।