गत साउन १ गतेदेखि लागू गर्ने भनिएको एमडिएमएस प्रणाली ३ महिना बित्न लाग्दा पनि सरकारले अझै कार्यान्वयन नभई उल्टो अवैध मोबाइल भित्रिन थालेपछि मलहोत्राले आपत्ति जनाएका हुन ।
न्यूज एजेन्सी नेपालसँगको कुराकानीमा अध्यक्ष मल्होत्राले भने ‘मोबाईल लिगल मात्रै इम्पोर्ट हुने हो भने राज्यलाई नै फाइदा हुन्छ तर, ३ महिनासम्मपनि एमडिएमएस लागू नहुँदा अवैध मोबाइल आयातलाई प्रोत्साहन भइरहेको छ’ ।
अवैध मोबाइल इम्पोर्ट गर्ने व्यापारीलाई अब एमडिएमएस लागू हुने कुरा हल्ला मात्रै लागिसकेको र नेपालमा पुनः फेरि अबैध बजार सुरु भएको मलहोत्राको भनाई छ ।
मलहोत्राका अनुसार अहिले नेपालमपा ४५/५० प्रतिशत अवैध मोबाइल भित्रिने गरेको छ । राज्यका सबै निकायलाई अवैध मोबाइल आयात रोक्ने संयन्त्र बनाउन पटक पटक अग्रह गरेपनि सरकारले चासो नदिएको मल्होत्राले बताए ।
उनले भने ‘आज, भोली ,पर्सी भन्दै बषौं कुर्दापनि एमडिएमएस लागु भएन । किन लागू भएन ? । यो पक्कै भित्री स्वार्थका कारण एमडिएमएस लागू हुन नसकेको हो’ ।
‘एमडिएमएस लागू हुन नसक्नुको पछाडि कारण छ’ मल्होत्राले भने । एशोसिएशनका अध्यक्ष मल्होत्राले सरकारले चाहे १५ दिन भित्र सो प्रणाली संचालनमा ल्याएर नेपालमा अवैध मोबाईल भित्रन बन्द गर्न सक्ने दावी गरे ।
तर सरकारले कसैको इन्ट्रेष्टमा त्यो प्रणाली संचालनमा ल्याउन नचाहेको उनको आरोप छ ।
