समितिले चालु आर्थिक वर्षको अर्थ सम्बन्धी अध्यादेशलाई प्रतिस्थापन गर्ने विधेयक उल्लेख भए अनुसार अनुदान दिन निर्देशन दिएको हो ।
समितिले विद्येयक प्रमाणीकरण भएको मिति असोज ७ गतेदेखि लागू हुने गरी कृषि तथा पशुपन्छी बीमाको उक्त अनुदान दिन निर्देशन दिएको छ ।
अर्थमन्त्री जनार्दन शर्माले प्रतिस्थापन विद्येयक मार्फत कृषि तथा पशुपन्छी बीमामा ८० प्रतिशत अनुदान दिने घोषण गरेका थिए ।
गत आर्थिक वर्षसम्म कृषि तथा पशुपन्छी बीमामा सरकारले ७५ प्रतिशत अनुदान दिदै आईरहेको थियो । यस अघिका अर्थमन्त्री विष्णु प्रसाद पौडेलले कृषि तथा पशुपन्छी बीमाको अनुदान २५ प्रतिशत घटाएर ५० प्रतिशत झारेका थिए ।
तर अर्थमन्त्री शर्माले प्रतिस्थापन विद्येयक मार्फत कृषि तथा पशुपन्छी बीमाको अनुदान रकम ३० प्रतिशत बढाएर ८० प्रतिशत पुर्याएका हुन् ।
