गत आर्थिक वर्षको पहिलो त्रैमासमा १ करोड ७६ लाख रुपैयाँ खुद नाफा कमाएको लघुवित्तले चालु आर्थिक वर्षको सोहि अवधिमा २ करोड ५२ लाख रुपैयाँ खुद नाफा कमाएको छ। जुन गत आर्थिक वर्षको भन्दा ४३.३४ प्रतिशतले धेरै हो।
लघुवित्तको खुद ब्याज आम्दानीको साथै अन्य आम्दानीहरु पनि बढ्दा उसको खुद नाफा बढ्न सहयोग पुगेको हो। लघुवित्तको खुद ब्याज आम्दानी भने ३९.३४ प्रतिशतले बढेर ९ करोड १८ लाख रुपैयाँ पुगेको छ।
लघुवित्तको निक्षेप संकलन १९.८६ प्रतिशतले बढेर १ अर्ब ५१ लाख रुपैयाँ पुगेको छ भने कर्जा लगानी २१.८२ प्रतिशतले बढेर ४ अर्ब ५९ करोड रुपैयाँ पुगेको छ।
लघुवित्तको खराब कर्जा ३.४४ प्रतिशतबाट बढेर ४.८ प्रतिशतमा पुगेको छ।
हाल २६ करोड ६५ लाख रुपैयाँ चुक्ता पूँजी रहेको लघुवित्तको जगेडा कोषमा २० करोड ७९ लाख रुपैयाँ छ।
लघुवित्तको प्रतिशेयर आम्दानी ६ रुपैयाँ ४४ पैसाले बढेर ३७ रुपैयाँ ९५ पैसा पुगेको छ भने प्रतिशेयर नेटवर्थ १७७ रुपैयाँ २५ पैसा छ।
