शेयर बजार एक्कासी गिरावट आएपछि आक्रोसित लगानीकर्ताहरुले पार्टीहरुको आन्तरिक चुनावको चहल पहलको बेला यस्तो दबाव सिर्जना गरेका हुन् । अहिले नेपाली काँग्रेसकाे महाधिवेशनले फेस बुकका भित्ता भरिएका बेला लगानीकर्ताहरुबाट भएका यस्ता अभियानमा सबैको आँखा पुगेको छ ।
अबको ६ महिना पछि स्थानिय, प्रदेश र संसदीय निर्वाचन हुने निश्चित हुँदा लगानीकर्ताबाट आएको यस्तो दबावले अर्थ राख्ने देखिएको छ । माओवादी नेता कृष्ण बहादुर महराले महानिर्वाचनमा आफ्नो पार्टी पहिलो हुने दावी गरेको समचारमा एक लगानीकर्ताले पूँजी बजार बिरोधी सरकारलाई बहिस्कार गरौं भनेर सचेत गराएका छन् । लगानीकर्ताहरुबाट हुने यस्ता दबावले राजनीतिक दलहरु पूँजी बजारप्रति कति संवेदनशील हुन्छन्, त्यो भने हेर्न बाँकी छ ।