२०७५ कार्तिकबाट व्यवसायिक रुपमा सञ्चालनमा आएको कालिन्चोक केबलकारले होटल तथा पर्यटनमा समेत लगानी थप्दै आईपीओ जारी गर्न लागेको जनाएको छ ।
कालिञ्चाेक केबलकारका सञ्चालक बालकृष्ण शिवाकोटीले १२ लाख कित्ता बराबरको आईपीओ चार महिना भित्र जारी गर्न लागेको जानकारी दिए । उनका अनुसार कम्पनीले आयोजना प्रभावित क्षेत्रका स्थानीय बासिन्दालाई १० प्रतिशत र बाँकी सर्वसाधारणलाई आईपीओ साधारण शेयर निष्काशन गर्न लागेको हो ।
‘त्यसका लागि कम्पनीले नबिल इन्भेष्टमेन्ट बैंकिंग लिमिटेडलाई निष्काशन तथा बिक्री प्रवन्धकमा नियुक्त गरेका छौं’ उनले भने ।
त्यस्तै केबलकारसँगै कम्पनीले होटलमा पनि लगानी गर्ने तयारी गरेको छ । हाल कालिञ्चोकमा व्यवस्थित होटल नभएको कारण कालिञ्चोकको मौसमलाई हेररे होटलसमेत सञ्चालन गर्ने तयारी भइरहेको शिवाकोटीले मेरो लगानीलाई बताए ।
आगामी बैशाखदेखि कालिञ्चोकमा होटल बनाउने र केबलकारको क्षमता समेत वृद्धि गर्ने शिवाकोटीको भनाई छ ।
