गत आर्थिक वर्षको पुस मसान्तसम्ममा लघुवित्तले ४ करोड २४ लाख रुपैयाँ मात्र खुद नाफा आर्जन गरेको थियो ।
खुद ब्याज आम्दानी र अन्य सञ्चालन आम्दानी बढेसँगै सम्भावित जोखिम बापतको व्यवस्थामा कम रकम छुट्याएका कारण लघुवित्तको खुद नाफा उल्लेख्य बढ्न पुगेको हो ।
समीक्षा अवधिमा लघुवित्तको खुद ब्याज आम्दानी ८१.५९ प्रतिशत बढेको छ भने सञ्चालन मुनाफा पनि १०२.३० प्रतिशतले बढेर १३ करोड ५० लाख रुपैयाँ पुगेको छ । त्यसैगरी, लघुवित्तले सम्भावित जोखिम बापतको व्यवस्थामा १ करोड ९९ लाख रुपैयाँ मात्रै छुट्याएको छ ।
यस अवधिमा लघुवित्तले ३ अर्ब ४२ करोड २४ लाख रुपैयाँ सापटि र १ अर्ब २४ करोड ६२ लाख रुपैयाँ निक्षेप संकलन गरी ५ अर्ब ४७ करोड रुपैयाँ कर्जा लगानी गरेको छ । त्यसबाट लघुवित्तले १७ करोड ९५ लाख रुपैयाँ खुद व्याज आम्दानी गरेको छ ।
चुक्ता पूँजी ४९ करोड ४० लाख रुपैयाँ रहेको लघुवित्तको जगेडा कोषमा १९ करोड ३० लाख रुपैयाँ संञ्चित रहेको छ ।
नाफासँगै लघुवित्तको प्रतिशेयर आम्दानी पनि बढेको छ । समीक्षा अवधिमा लघुवित्तको प्रतिशेयर आम्दानी २१ रुपैयाँ ५५ पैसाबाट बढेर ३४ रुपैयाँ ४५ पैसा पुगेको छ । यस्तै लघुवित्तको प्रतिशेयर नेटवर्थ १३९ रुपैयाँ ७ पैसा र मूल्य आम्दानी अनुपात ३८.६४ गुणा रहेको छ ।
