यसै उपसमूह अन्तर्गतको एक कम्पनी हो, इन्फिनिटी लघुवित्त वित्तीय संस्था लिमिटेड। यस लघुवित्तको शेयरमूल्य यस साता २७ रुपैयाँ घटेको छ। गत साता १ हजार १२७ रुपैयाँमा अन्तिम कारोबार भएको यस लघुवित्तको शेयरमूल्य यस साता घटेर १ हजार १०० रुपैयाँमा अन्तिम कारोबार भएको छ।
यस अनुसार आगामी साता लघुवित्तको शेयरमूल्य उकालो लागेमा १३०० रुपैयाँमा प्रतिरोधको सामना गर्ने देखिन्छ। त्यसैगरी, ओरालो लागेमा भने ९०० रुपैयाँमा टेवा पाउने देखिन्छ।
साताको अन्तिम कारोबार दिन लघुवित्तले ह्यामर मैनबत्ती बनाएको छ। यो एक रिभर्सल मैनबत्ती हो। यसले आगमी दिनमा लघुवित्तको शेयरमूल्य बढ्न सक्ने संकेत गर्दछ।
यस साता लघुवित्तको ५ दिने इएमए, २० दिने इएमएभन्दा तल रहेको छ। यसले बजारमा लघुवित्तको मूल्य करेक्सन जोनमा रहेको संकेत गर्दछ। ५ दिने इएमएले २० दिने इएमएलाई तलबाट काटेर माथि लागेमा बुलिश क्रशओभर बन्नेछ र यसले लघुवित्तको शेयरमूल्य बढ्ने संकेत गर्दछ।
शेयरमूल्य घटेपनि लघुवित्तको भोल्यूम भने बढेको छ। यस साता लघुवित्तको दैनिक औषतमा २ हजार १५५ कित्ता शयर खरिदबिक्री भएको छ। यससँगै लघुवित्तको २० दिने औषत भोल्यूम १ हजार ४३५ कित्ता पुगेको छ। लघुवित्तको २० दिने औषत भोल्यूमको तुलनामा दैनिक औषत भोल्यूम ५०.१५ प्रतिशत बढी हो।
लघुवित्तले चालु आर्थिक वर्षको दोस्रो त्रैमाससम्ममा ८ करोड २७ लाख रुपैयाँ खुद नाफा आर्जन गरेको छ। यो गत आर्थिक वर्षको सोही अवधिको तुलनामा २७.३८ प्रतिशत बढी हो। खुद ब्याज आम्दानी र सञ्चालन मुनाफा बढेसँगै लघुवित्तको खुद नाफामा सुधार देखिएको हो।
समीक्षा अवधिमा लघुवित्तले १७ करोड ५० लाख २५ हजार रुपैयाँ खुद ब्याज आम्दानी गरेको छ भने ११ करोड १३ लाख रुपैयाँ सञ्चालन मुनाफा आर्जन गरेको छ। गत आर्थिक वर्षको सोही अवधिसम्ममा लघुवित्तको खुद ब्याज आम्दानी १० करोड ८८ लाख रुपैयाँ र सञ्चालन मुनाफा ८ करोड ८९ लाख रुपैयाँ रहेको छ।
सो अवधिसम्ममा लघुवित्तको प्रतिशेयर आम्दानी ३९ रुपैयाँ ९३ पैसा रहेको छ भने प्रतिशेयर नेटवर्थ १४६ रुपैयाँ ८७ पैसा पुगेको छ। साताको अन्तिम कारोबार मूल्यका आधारमा लघुवित्तको मूल्य आम्दानी अनुपात २७.५५ गुणा रहेको छ। त्यसैगरी, लघुवित्तको प्रतिशेयर बुकभ्यालु ७.४९ गुणा रहेको छ। सो दिन लघुवित्तको १४ दिने आरएसआई ३९.१७ स्केल अर्थात न्यूट्रल जोनमा रहेको छ। यसले लघुवित्तमा शेयर खरिदबिक्री चाप सन्तुलनमा रहेको संकेत गर्दछ। प्राविधिक विश्लेषणका अन्य उपकरणमा लघुवित्तको शेयरमूल्य बियरिश प्रवृत्तिमा रहेको संकेत गर्दछ।
नेप्सेमा लघुवित्तको ४१ लाख ४५ हजार १३२.८० कित्ता शेयर सूचीकृत छ। लघुवित्तको १८० दिने औषत मूल्य १ हजार ४३४ रुपैयाँ ६८ पैसा रहेको छ। लघुवित्तको ५२ हप्ताको उच्च मूल्य २ हजार १४० रुपैयाँ रहेको छ भने न्यून मूल्य १ हजार ३८ रुपैयाँ ८० पैसा रहेको छ। साताको अन्तिम कारोबार दिनको अन्तिम मूल्यका आधारमा लघुवित्तको कुल बजार पूँजीकरण ४ अर्ब ५५ करोड ९६ लाख ४६ हजार ८० रुपैयाँ पुगेको छ।
फियर एण्ड ग्रीड मिटरमा लघुवित्तको अहिले एक्स्ट्रीम फियर जोनमा रहेको छ।
(उपलब्ध तथ्यांकका आधारमा गरिएको यो विश्लेषण आफैमा पूर्ण होइन। लगानीकर्ताले लगानीको निर्णय गर्नु अघि आफैले थप अध्ययन तथा विश्लेषण गर्नु आवश्यक छ।)