निर्जीवन बीमा कम्पनीहरुको आर्जन गरेको ठूलो हिस्सा भने मोटर बीमाले ओगटेको छ । समितिको तथ्यांक अनुसार मोटर बीमाबाट जेठ महिनामा मात्रै निर्जीवन बीमा कम्पनीहरुले ७६ करोड १० लाख रुपैयाँ बीमाशुल्क आर्जन गरेका छन् ।
यो निर्जीवन बीमा कम्पनीहरुले संकलन गरेको कुल बीमाशुल्कको २५.६८ प्रतिशत हो ।
मोटर बीमा पछि निर्जीवन बीमा कम्पनीहरुले सम्पत्ती बीमाबाट ५८ करोड ७० लाख रुपैयाँ बराबरको बीमाशुल्क आर्जन गरेका छन् । यो निर्जीवन बीमाहरुले आर्जन गरेको कुल बीमाशुल्कको १९.८३ प्रतिशत हुन आउछ ।
निर्जीवन बीमा कम्पनीहरुले आर्जन गरेको कुल बीमाशुल्कमा विविध बीमाको पनि १७.५१ प्रतिशत अर्थात ५१ करोड ९० लाख रुपैयाँ योगदान रहेको छ।
यस्तै, इन्जिनियरिङ्ग बीमाको १३.०१ प्रतिशत, कृषि तथा पशुपन्क्षी बीमाको ५.०३ प्रतिशत, समुन्द्रिक बीमाको ४.७२ प्रतिशत र हवाई बीमाको २.५३ प्रतिशत योगदान रहेको छ ।
लघुबीमाको भने सबैभन्दा कम ०.०५ प्रतिशत मात्रै योगदान रहेको छ । यस अवधिमा लघुबीमा बापत निर्जीवन बीमा कम्पनीहरुले १४ लाख ४५ हजार रुपैयाँ मात्रै कुल बीमाशुल्क आर्जन गरेका छन् ।
करिब ७२ प्रतिशत व्यवसाय बागमति प्रदेशले ओगट्यो
मोटर बीमाले करिब २६ प्रतिशत ओगटेको निर्जीवन बीमा व्यवसाय बागमति प्रदेशमा मात्रै केन्द्रित भएको देखिन्छ । समितिको तथ्यांक अनुसार निर्जीवन बीमा कम्पनीहरुले बागमति प्रदेशबाट मात्रै २ अर्ब १३ करोड २० लाख रुपैयाँ बीमाशुल्क आर्जन गरेका छन् । यो निर्जीवन बीमा कम्पनीहरुले जेठ महिनामा आर्जन गरेको कुल बीमाशुल्कको ७१.९८ प्रतिशत हो ।
बागमति प्रदेशपछि प्रदेश १ मा निर्जीवन बीमा व्यवसाय विस्तार भएको छ । निर्जीवन बीमा कम्पनीहरुले प्रदेश १ बाट २३ करोड ५० लाख रुपैयाँ अर्थात ७.९४ प्रतिशत कुल बीमाशुल्क आर्जन गरेका छन् ।
लुम्बिनी प्रदेशबाट पनि निर्जीवन बीमा कम्पनीहरुले २२ करोड ३० लाख रुपैयाँ कुल बीमाशुल्क आर्जन गरेका छन् । यो जेठ महिनामा आर्जन गरेको कुल बीमाशुल्कको ७.५४ प्रतिशत हो ।
यस्तै, निर्जीवन बीमा कम्पनीहरुले आर्जन गरेको कुल बीमाशुल्कमा मधेश प्रदेशको ५.४० प्रतिशत, गण्डकी प्रदेशको ४.४६ प्रतिशत र सुदूरपश्चिम प्रदेशको १.९५ प्रतिशत योगदान रहेको छ ।
सबैभन्दा कम बीमाशुल्क भने कर्णाली प्रदेशबाट संकलन भएको बीमा समितिको तथ्यांक छ । कर्णाली प्रदेशबाट निर्जीवन बीमा कम्पनीहरुले २ करोड २० लाख रुपैयाँ मात्रै बीमाशुल्क आर्जन गरेका छन् ।
यो निर्जीवन बीमा कम्पनीहरुले जेठ महिनामा आर्जन गरेको कुल बीमाशुल्कको ०.७३ प्रतिशत मात्रै हो ।
