सुका पैसाको महत्व बुझेका उनै नरेन्द्र मोदीको सम्पत्तिको बारेमा केहि दिन अघि भारतीय प्रधानमन्त्री कार्यालयका तर्फबाट जानकारी दिइएको छ ।
भारतका प्रधानमन्त्री नरेन्द्र मोदीको कति छ सम्पत्ति ?
भारतका प्रधानमन्त्री नरेन्द्र मोदीको कुल सम्पत्ति २ करोड २३ लाख ८२ हजार ५०४ भारतीय रुपैयाँ रहेको छ । भारतीय प्रधानमन्त्री कार्यालयले यस विषयमा जानकारी दिएको हो । सो जानकारीका अनुसार विगत एक वर्षको समयमा प्रधानमन्त्रीको सम्पत्ति करिब २६ लाख भारतीय रुपैयाँले बढेको छ ।
भएको जग्गा पनि दिए दान
तथ्यांक अनुसार भारतीय प्रधानमन्त्रीसँग भएको २.२३ करोड भारतीय रुपैयाँमध्ये अधिकांश रकम उनले फरक फरक बैंक खातामा राखेका छन् । पछिल्लो जानकारी अनुसार प्रधानमन्त्रीसँग कुनै अचल सम्पत्ति छैन । यसअघि उनको गांधीनगरमा जग्गा थियो, तर मोदीले यो जग्गामा भएको आफ्नो अंश दान दिइसकेका छन् ।
शेयर बजारमा छैन लगानी
भारतीय संचारमाध्यमका अनुसार प्रधानमन्त्री नरेन्द्र मोदीले शेयर बजारमा लगानी गरेका छैनन् । उनको कुनै पनि शेयर, बण्ड वा म्युचुयल फण्डमा लगानी छैन । यस्तै उनले आफ्नै कुनै निजी सवारीसाधन पनि नरहेको बताउँछन् ।
यद्यपी भारतीय प्रधानमन्त्रीसँग १.७३ लाख भारतीय रुपैयाँको चार वटा सुनको औंठी रहेका छन् । मोदीको सन् २०२२ मार्च ३१ सम्म भएकाे सम्पत्तिकाबारेमा सम्बन्धित जानकारी प्रधानमन्त्री कार्यालयको वेबसाइटमा सार्वजनिक गरिएको छ ।
गुजरातकाे जग्गामा छैन स्वामित्त्व
गुजरातको मूख्यमन्त्री बनेको केहि समयपछि उनले २००२ अक्टोबरमा एक जग्गा खरिद गरेका थिए । उनी सो जग्गाका तेश्रो जग्गाधनी थिए । उनले आफ्नो हिस्साको जग्गा दान दिएकाले घरजग्गा सर्वेक्षण ४०१/ए नम्बरका उनको कुनै स्वामित्त्व अधिकार छैन ।
नरेन्द्र मोदीसँग मात्र ३२ हजार २५० रुपैयाँ
सन् २०२२ मार्च ३१सम्ममा प्रधानमन्त्री नरेन्द्र मोदीसँग ३५ हजार २५० रुपैयाँ नगद रहेको छ । यसबाहेक हुलाकमा खोलिएको खातामा नेशनल सेभिंग्स सर्टिफिकेटकारुपमा उनको ९ लाख पाँच हजार १०५ भारतीय रुपैयाँ जम्मा गरिएको छ । उनले जीवन बीमाको एक लाख ८९ हजार ३०५ भारुको पोलीसी पनि लिएका छन् ।
