नाडा अटोसोमा ९ ओटा चारपाग्रे प्यासेन्जर विद्युतीय गाडी मात्रै सहभागी छन । ती गाडी मध्य सबैभन्दा बढी चार ओटा ब्रान्डका गाडीमा मानिसहरुको रोजाइमा परेको अटो सोको पहिलो दिनले पुष्टि गरेको छ ।
चारपाग्रे तर्फ ९ ओटा ब्रान्ड रहेपनि टेस्ला, नेटा भि, हुन्डाइ आयोनिक र बिवाइडिको स्टलमा अवलोकन कर्ताको धरै भिड छ ।
मूल्यको हिसाबले एक्सपोमा ३१ लाख ४९ हजारदेखि २ करोड ४० लाख रुपैयाजँ सम्मका बिश्वविख्यात विभिन्न ब्राण्डका विद्युतीय गाडी राखिएको छ । यहाँ हामिले नाडा अटो सोमा सबैभन्दा रुचाइएको गाडीको मूल्य र माइलेज र अन्य विशेषताबारे उल्लेख गरेका छौं ।
कुन गाडीको कति पर्छ मूल्य ?
टेस्ला
नाडा अटोसोमा सबैभन्दा बढी मूल्यको गाडीको रुपमा टेस्लालाई प्रदर्शनिमा देख्न सकिन्छ । विश्वविख्यात कम्पनी भएको कारणपनि यो गाडीमा नेपालीहरुको आकर्षण धेरै छ ।
नेपाली बजारमा यो गाडी आएको धेरै भएको छैन ।
तर, जति गाडी नेपाल आएका छन ती गाडी स्टक नरहेको कम्पनीले जनाएको छ । टेस्ला मोडल वाईले ४५० हराहारी माइलेज दिन्छ भने मोडल ३ले तीन सय ५० हाराहारी रन्ज दिन्छ ।
नेपाली बजारमा टेस्ला मोडल ३को मूल्य १ करोड ५५ लाख र मोडल वाई को मूल्य –२ करोड १५ लाख रुपैयाँ तोकिएको छ । टेस्ला मोडल वाई लङ्ग रेन्जको मूल्य भने २ करोड ४० लाख रुपैयाँ छ ।
हुन्डाइ आयोनिक
त्यस्तै नयाँ टेक्नोलोजी सहित नेपाली बाजारमा केहि समय अघि आएको हुन्डाइ आयोनिक पनि उतिकै लोकप्रिय छ । नाडा अटो सोमा हुन्डाइ आयोनिक हट केक भन्दापनि फरक पर्दैन । अन्य गाडीहरु भन्दा फरक देखिने आयोनिकमा गाडी पारखिहरुको क्रेज धेरे छ ।
नयाँ लुक्स, आकर्षक इन्टेरियरलेपनि ग्राहकलाई यो गाडीले लोभ्याएको छ । हुन्डाई आयोनिकले एक पटकको चार्जमा ३७५ किलोमिटरसम्म रेन्ज दिने कम्पनीको दाबी छ ।
नेपाली बजारमा हुन्डाइ आयोनिकको मुल्य १ करोड १६ लाख तोकिएको छ । हुन्डाइको कोना इभिमापनि ग्राहकको आकर्षण छ ।
टाटा
पछिल्लो समय नेपाली इभि बजारमा सबै भन्दा बढी हिस्सा जमाएको कम्पनी हो टाटा । सुरुमा नेपाली बजारमा टाटा नेक्सन इभि आउदा कम्पनीले एकै पटक सय ओटा भन्दा बढी गाडी एकैपटक विक्री गरेको थियो । अहिले टाटाका सबै गाडी लोकप्रिय छन । जस मध्य टाटा नेक्सन इभि ग्राहकको रोजाइमा छ ।
नेपाली बाटो मैत्री, आकर्षक लुक्स र बोल्ड डिजाइनका कारणपनि यो गाडीको लोकप्रियता बढी छ । टाटा बाहेका सिप्रदिले टिगोर ईभी विक्री गर्दै आएको छ भने टाटा नेक्सन प्राइपपनि हिजो नै सार्वजनिक गरेको थियो ।
नेपाली बजारमा टाटा नेक्सन नेक्सन ईभी एक्सएको मूलय ३७ लाख ९९ हजार, नेक्सन ईभी एक्सजेड प्लसको मूल्य – ३९ लाख ९९ हजार र नेक्सन ईभी एक्सजेड प्लस लक्जरीको मूल्य ४१ लाख ९९ हजार तोकिएको छ । नेक्सन ईभीएक्स जेड प्लस लक्जरी डार्क एडिसनको मूल्य भने ४३ लाख ९९ हजार रहेको छ ।
नेटा
नेपाली बजारमा नेटा भीले छोटो समयमा ठूलो लोकप्रियता कमाएको छ । नेपाल भित्रीएका चारमहिना नपुग्दै सयौं गाडी बेच्न सफल भइसकेको छ । नाडा अटो सोमापनि नेटा भि अवलोकन गर्नेको भिड उतिकै छ ।
सस्तो मुल्य, उत्कृष्ट डिजाइन र माइलेजको कारणपनि यो गाडी रुचाइएको छ । नेटा भीले झन्डै एक पटकको चार्जमा चारसय किलोटिरको रेन्ज दिन्छ । नेपाली बजारमा चौधरी समुहले बेच्ने यो गाडीको मूल्य ३७ लाख ९९ हजार तोकिएको छ ।
बीवाईडी
चीनिया ब्रान्ड बीवाईडी गाडी लोमो यात्राको लागी उपयुक्त गाडीको रुपमा चिनिन्छ । बोल्ड डिजाइन, लामो लम्बाइ र कम्फर्ट कै कारण नेपाली बजारमा यो गाडीले राम्रो सफलता पाइरहेको छ ।
नाडा अटो सोमा बीवाईडि गाडी मात्रै खोज्दै आउनेपनि भेटिन्छन । टेस्ला, हुन्डाइ, टाटा र बीवाईडि नाडा आटो सोको आकर्षणको रुपमा लिइएको छ ।
बीवाईडि ई ६ले एक पटकको चार्जमा ५०० किलोमिटर माथि नै रेन्ज दिन्छ । नेपाली बजारमा यो गाडीको मुल्य ५९ लाख तोकिएको छ ।