भन्सार विभागले हालै सार्वजनिक गरेको तथ्याङ्क अनुसार सात करोड रुपैयाँ बराबरका ५३ हजार ३४९ ओटा स्मार्टवाच आयात भएको हो ।
पछिल्लो समय मोबाइल कनेक्टेडका कारण सहज हुँदै गएपछि स्मार्टवाच खरिद गर्ने ह्वातै बढेका छन । विभागका अनुसार चालु आवको पहिलो दुई महिनामा १२ मुलुकबाट स्मार्टवाच भित्रिएको छ ।
जस अनुसार नेपालमा चीन र भारतबाट सबैभन्दा धरै सर्वाधिक स्मार्टवाच आयात भएको छ । चीनबाट मात्रै ५ करोड ७३ लाख ८४ हजार रुपैयाँ बराबरको ४९ हजार ३७० युनिट स्मार्टवाच नेपाल भित्रिएका छन्।
भारतबाट ६७ लाख ७१ हजार रुपैयाँ बराबरको ३ हजार ६१० यूनिट स्मार्टवाच आयात भएको छ।
चीन र भारतसँगै अन्य देशबाट स्मार्टवाच आयात हुने भएका छन् । अस्ट्रेलिया, जापान, दक्षिण कोरिया, न्यूजिल्याण्ड, फिलिपिन्स, पोर्टुगल, कतार, यूएई, अमेरिका र भियतनामबाट स्मार्टवाच आएका छन् ।
