दुबै कम्पनीकाे सभाले यी दुई इन्स्योरेन्स एक आपसमा गाभ्ने/गाभिने प्रस्ताव पारित गरेकाे छ । मर्जरपश्चात बन्ने निर्जीवन बीमा व्यवसाय गर्ने कम्पनीको नाम सानिमा जिआईसी इन्स्योरेन्स कायम गर्ने प्रस्ताव पनि अनुमाेदन भएकाे छ ।
यस्तै डिडिएका आधारमा निर्धारण गरिएको शेयर अनुपात १ बराबर १ कायम गर्ने प्रस्ताव पारित भएको छ ।
हाल सानिमाको चुक्ता पूँजी एक अर्ब रुपैयाँ र जनरल इन्स्योरेन्सको चुक्ता पूँजी १ अर्ब रुपैयाँ रहेको छ । दुई कम्पनीबीच एक बराबर एकमा मर्जर पश्चात चुक्ता पूँजी २ अर्ब रपैयाँ पुग्नेछ ।
दुई कम्पनी एक आपसमा मर्जर भएको बन्ने कम्पनीमा संस्थापकको ५१ प्रतिशत र सर्वसाधारण शेयरधनीको ४९ प्रतिशत शेयर स्वामित्व कायम गर्ने प्रस्ताव पनि पारित भएको छ ।
प्रबन्धपत्र तथा नियमावलीमा संशोधन गर्न सञ्चालक समितलाई अख्तियारी दिने लगायतका प्रस्तावहरु पनि सभाबाट पारित भएका छन् ।
