नाडा अटो मोबाइल एसोसिएसनले आन्दोलनको कार्यक्रम घोषणा गर्न शुक्रबार पत्रकार सम्मेलन गर्दै छ । नाडा स्रोतका अनुसार शुक्रबार चरणबद्ध आन्दोलन गर्ने घोषणा गर्न लागिएको छ ।
आन्दोलनको कार्यक्रमा घोषणा गर्न शुक्रबार नेपाल उद्योग वाणिज्य महासंघ अडिटोरियम हलमा सरकार र राष्ट्र बैंककाे वर्तमान नीतिप्रति प्रतिक्रिया सार्वजनिक गर्न पत्रकार सम्मेलन आयोजना गरेको छ ।
गत आठ महिनादेखि पेट्रोलबाट चल्ने निजी सवारीसाधन पूर्ण रुपमा आयात प्रतिबन्ध छ भने दुई पाँग्रेतर्फ १५० सीसी तलका मोटरसाइकल मात्रै आयात खुल्ला छ । राष्ट्र बैंकले आयात गर्न पाउने गाडीमा शतप्रतिशत मार्जिनको व्यवस्था कायमै राखेको छ।
अब पनि सवारीआयात नखुलाउने हो भने अटो व्यवसाय थला पर्ने भन्दै व्यवसायी सरकार विरुद्ध उभिएका हुन । व्यवासायीहरुले पटक पटक सरकारलाई सवारी आयात प्रतिबन्ध खुलाउन माग गर्दै आए पनि सरकारले व्यवसायीको मागलाई बेवास्ता गर्दै आएको छ ।
हाल सवारीसाधन आयात प्रतिबन्ध मंसिर मसान्तसम्म रहेपनि व्यवसायीले अझै आयात प्रतिबन्ध नखुल्ने सुचना पाएपछि व्यवसायी सडकमा आउन लागेका हुन् ।