७.८ म्याग्निच्युडकाे भुकम्पका कारण टर्कीमा अहिलेसम्म २८४ जनाको ज्यान गइसकेको छ भने ४४० जनाको घाइते भएको अन्तरराष्ट्रिय संचारमाध्यमले जनाएका छन् ।
यसैगरी, सिरियामा ३२० जनाको मृत्यु हुँदा ६३९ जना घाइते भएका छन् । लेबनान र इजराइलमा पनि भुकम्पको धक्का महसुस गरिएको थियो । यद्यपी क्षतिको यकिन विवरण आइसकेको छैन । हालसम्म ४० पराकम्प गइसकेकाे बीबीसीले जनाएकाे छ । भुकम्पको केन्द्र गाजियनटेप सिरियाभन्दा ९० किलोमिटर टाढा रहेको छ । सोहि कारण आसपासका क्षेत्रमा भुकम्पले धेरै क्षति गरेको छ ।
याे टर्किकै इतिहासकाे ठुलाे भुकम्प भएकाे भुकम्पविदले बताएका छन् । सन् १९९९मा टर्किमा ७.६ म्याग्निच्युडकाे भुकम्प जाँदा १७ हजारकाे मृत्यु भएकाे थियाे ।