भुकम्प आएको ३० घण्टा भन्दा बढि भइसक्दा पनि शव भेटिने क्रम जारी रहेको छ । यसैगरी, उद्धार गर्ने काम पनि भइरहेको छ । विश्वका अन्य राष्ट्रहरूले पनि सहयाेग गर्न तयार रहेकाे बताउँदै सर्च र रेस्क्यु टिम पठाइरहेका छन् ।
टर्की र सिरियामा तीन ठुला भुकम्प आएपछि धेरै क्षति भएको हो । सोमबार बिहान ७.८ म्याग्निच्युडको करिब चार बजे, दोश्रो भुकम्प ७.६ म्याग्निच्युडको करिब १० बजे र तेश्रो ६ म्याग्निच्युडको दिउँसो ३ बजे आएको थियो । यसबाहेक २४३ पराकम्पको महसुस गरिएको थियो । यी भुकम्प ४ देखि ५ म्याग्निच्युडको रहेको बताइएको छ ।
दुई देशमा गरी ४ हजार ३०० जनाको निधन भएको छ । टर्कीमा २ हजार ९२१ जनाको ज्यान जाँदा १५ हजारभन्दा धेरै मानिसहरु घाइते भएका छन् । यसैगरी, सिरियामा एक हजार ४४४ मानिसहरुको मृत्यु हुँदा २ हजार भन्दा धेरै घाइते भएका छन् ।
