गत आर्थिक वर्षको पुस मसान्तसम्ममा कम्पनीले १ अर्ब १६ करोड २१ लाख रुपैयाँ खुद बीमाशुल्क आर्जन गरेको थियो ।
यस्तै कम्पनीले लगानी कर्जा तथा अन्य आयबाट १७ करोड ६५ लाख रुपैयाँ र बीमालेख धितोमा २३ करोड ९१ लख रुपैयाँ कर्जा लगानी गरी ३६ लाख ६४ हजार रुपैयाँ आम्दानी गरेको छ ।
यस अवधिमा कम्पनीको खुद नाफा पनि २३.६३ प्रतिशतले बढेर ११ करोड ६१ लाख रुपैयाँ पुगेको छ । गत आर्थिक वर्षको पुस मसान्तसम्ममा कम्पनीले ९ करोड ३९ लाख रुपैयँ खुद नाफा आर्जन गरेको थियो ।
चुक्ता पूँजी २ अर्ब रुपैयाँ रहेको कम्पनीको जगेडा कोषमा ३५ करोड ९० लाख रुपैयाँ, बीमा कोषमा ४ अर्ब ८ करोड ५३ लाख रुपैयाँ र महावित्ती कोषमा ४ करोड ४८ लाख रुपैयाँ सञ्चित छ ।
यस अवधिमा कम्पनीको प्रतिशेयर आम्दानी ११ रुपैयाँ ६२ पैसा, प्रतिशेयर नेटवर्थ १२० रुपैयाँ १९ पैसा र मूल्य आम्दानी अनुपात ३७.७८ गुणा रहेको छ ।
कम्पनीले यस अवधिमा २ हजार ३३७ वटा दाबी वापत ३१ करोड ३५ लाख रुपैयाँ भुक्तानी गरेको छ भने १६ वटा दाबी वापत १ करोड २४ लाख रुपैयाँ भुक्तानी गर्न बाँकि रहेको छ ।