रसुवागढी हाइड्रोपावर नाफामा

Nov 22, 2020 11:06 AM Merolagani

नोक्सानीमा रहेको रसुवागढी हाइड्रोपावर कम्पनी (RHPL) नाफामा गएको छ । कम्पनीले चालु आर्थिक वर्षको पहिलो त्रैमासमा ४९ लाख ४९ हजार रुपैयाँ नाफा आर्जन गरेको छ । कम्पनी गत आवको यसै अवधिमा १ करोड ४६ लाख ७६ हजार रुपैयाँले नोक्सानीमा रहेको थियो । 

विद्युत उत्पादन सुरु भइनसकेको भएपनि अन्य स्रोत मार्फतको आम्दानी बढाउँदा कम्पनी नाफामा पुगेको हो । यस अवधिमा कम्पनीले अन्य स्रोत मार्फत् १ करोड २८ लाख ३३ हजार रुपैयाँ आम्दानी गरेको छ ।

कम्पनीको सञ्चालन नाफा भने ७८ लाख ८४ हजार रुपैयाँले ऋणात्मक रहेको छ ।

चुक्ता पूँजी ६ अर्ब १५ करोड ७८ लाख रुपैयाँ रहेको कम्पनीको शेयरधनी कोष १९ करोड ६८ लाख रुपैयाँले ऋणात्मक छ ।

प्रतिशेयर आम्दानी ३२ पैसा रहेको कम्पनीको प्रतिशेयर नेटवर्थ ९६ रुपैयाँ ८० पैसा छ ।

रसुवा जिल्लाको गोसाईकुण्ड गाउँपालिकामा १११ मेगावाट क्षमताको निर्माणाधिन आयोजनाको ७८ प्रतिशत भौतिक प्रगति रहेको कम्पनीले जनाएको छ ।

आयोजनामा ५० प्रतिशत स्वपूँजी तथा ५० प्रतिशत ऋण रहने गरेको वित्तीय व्यवस्थापन गरेकोमा स्वपूँजी अन्तर्गत ५१ प्रतिशत संस्थापक र ४९ प्रतिशत साधारण शेयर स्वामित्व रहेको छ । जसमध्ये नेपाल विद्युत प्राधिकरणको १८ प्रतिशत, चिलिमेको ३२.७९ प्रतिशत, रसुवाको स्थानीय तहको ०.२१ प्रतिशत गरि ३ अर्ब ४८ करोड ९४ लाख ७१ हजारको संस्थापक शेयर र सर्वसाधारण शेयरधनीतर्फ २ अर्ब ६६ करोड ८४ लाख १९ हजार गरी कूल ६ अर्ब १५ करोड ७८ लाख ९० हजारको शेयर स्वामित्व रहेको छ । 

२३०० विन्दुभन्दा माथि नेप्से, एक दर्जनभन्दा बढी कम्पनीको शेयर सकारात्मक सर्किट लेभलमा कारोबार

Jan 17, 2021 03:32 PM

अघिल्लो सातादेखि उकालो लागिरहेको नेप्सेले यस साताको पहिलो कारोबार दिन पनि सोही गतिलाई निरन्तरता दिएको छ। यससँगै नेप्से परिसूचक २३०० विन्दुभन्दा माथि पुगेको छ।