राधी विद्युत कम्पनीको नाफामा सामान्य सुधार

Nov 22, 2020 12:35 PM Merolagani

राधी विद्युत कम्पनी (RADHI) ले चालु आर्थिक वर्षको पहिलो त्रैमासमा २ करोड ५७ लाख रुपैयाँ खुद नाफा आर्जन गरेको छ। कम्पनीको यो नाफा गत आवको यसै अवधिको तुलनामा १० लाख रुपैयाँ अर्थात् ४.१२ प्रतिशतले धेरै हो । 

गत आवको यसै अवधिमा कम्पनीले २ करोड ४६ लाख रुपैयाँ खुद नाफा आर्जन गरेको थियो ।

विद्युत विक्रीको आम्दानी घटेपनि समग्रमा खर्च व्यवस्थापन गर्दा कम्पनीको नाफामा बढोत्तरी देखिएको हो ।


यस अवधिमा कम्पनीले विद्युत विक्री मार्फत् ४ करोड ५२ लाख रुपैयाँ आम्दानी गरेको छ । यो आम्दानी गत आवको यसै अवधिको तुलनामा १६ लाख ४५ हजार रुपैयाँ ३.५१ प्रतिशत कम हो ।

चुक्ता पूँजी ४७ करोड ३५ लाख रुपैयाँ रहेको कम्पनीको प्रतिशेयर आम्दानी २१ रुपैयाँ ७१ पैसा छ । यसैगरी कम्पनीको प्रतिशेयर नेटवर्थ १४४ रुपैयाँ १४ पैसा र मूल्य आम्दानी अनुपात १२.५७ गुणा छ। 

२३०० विन्दुभन्दा माथि नेप्से, एक दर्जनभन्दा बढी कम्पनीको शेयर सकारात्मक सर्किट लेभलमा कारोबार

Jan 17, 2021 03:32 PM

अघिल्लो सातादेखि उकालो लागिरहेको नेप्सेले यस साताको पहिलो कारोबार दिन पनि सोही गतिलाई निरन्तरता दिएको छ। यससँगै नेप्से परिसूचक २३०० विन्दुभन्दा माथि पुगेको छ।