उच्च अदालतका न्यायाधीशद्वय सुदर्शनदेव भट्ट र कैलाशप्रसाद सुवेदीको संयुक्त इजलासले हिजाे यस्ताे आदेश दिएको हो । उच्च अदालतले पक्ष र विपक्ष दुवैसँग छलफल गरेपछि अल्पकालीन अन्तरिम आदेशलाई निरन्तरता दिएको हो ।
यसअघि, वैशाख १० गते न्यायाधीश सुदर्शनराज पाण्डेको एकल इजलाशले अल्पकालीन अन्तरिम आदेश दिएकाे थियाे ।
पर्यटन बोर्डमा रिक्त सीईओ नियुक्तिका लागि छनोट गर्न गठित उपसमितिका सदस्य तथा बोर्ड सञ्चालक समिति सदस्यहरू मिलन देवकोटा र मदनकुमार आचार्यको मनोनयन समेत गैरकानुनी भएको अन्तरिम आदेश जारी गरेकाे थियाे । यससँगै उच्च अदालत पाटनले छनोट उपसमिति पनि अवैधानिक रहेको भन्दै अल्पकालीन अन्तरिम आदेश जारी गरेको थियो ।
कुन्दन शर्मा मिश्रसमेतको निवेदनमा उच्च अदालतले अन्तरकालीन आदेश जारी गरेको हो । पर्यटन बोर्डकाे सीईओ बन्नका लागि २० जनाले आवदेन दिएका थिए जसमध्ये १६ जनाको नाम ‘सर्टलिस्ट’ मा परेको थियो । सर्टलिस्टमा परेकाहरूले आ–आफ्नो प्रस्तुतीकरण पेस गरिसकेका छन् ।
