चालू आर्थिक वर्षको वैशाख १८ गते मंगलरबारसम्म राजस्व संकलन ७ खर्ब ८१ अर्ब रूपैयाँ पुगेको पुगेको छ । यो अवधिमा चालू खर्च भने ६ खर्ब ९९ अर्ब ३० करोड रूपैयाँ छ । गत वर्ष यही समयको तुलनामा यो सन्तोषजनक अवस्था हो । महालेखा नियन्त्रकको कार्यालयका अनुसार गत वर्ष बैशाख १८ गतेसम्म साधारण खर्च ७ खर्ब ४५ अर्ब ६३ करोड रूपैयाँ पुगेको थियो तर राजस्व भने केवल ७ खर्ब ११ अर्ब रूपैयाँ संकलन भएको थियो ।
उक्त कार्यालयका अनुसार बैशाख हालसम्म सरकारले ९ खर्ब ७९ अर्ब ९१ करोड रुपैयाँ बजेट खर्च भएको छ भने यो अबधिमा ८ खर्ब ६ अर्ब ६४ करोड रुपैयाँ आम्दानी गरेको छ । यो कर तथा गैरकर, अनुदान तथा अन्य प्राप्तिको रकम हो ।