मूल्य वृद्धिसँगै कराँचीमा अहिले दूध प्रतिलिटर २१० पाकिस्तानी रुपैयाँमा बिक्री भइरहेको छ ।यसअघि दूधको मूल्य प्रतिलिटर ५० रुपैयाँले बढ्ने अनुमान गरिएको थियो । यस मूल्यवृद्धिले पहिलेदेखि नै मुद्रास्फीतिको चपेटामा परेका पाकिस्तानी जनतालाई ठूलो मार परेको छ ।
पाकिस्तानमा दूध प्रतिलिटर २१० रुपैयाँमा बिक्री
चरम मुद्रास्फीतिको मारमा परेका पाकिस्तानी जनताको समस्या झनै बढेको छ । कराँची प्रशासनले पाकिस्तानी दूधको मूल्य प्रतिलिटर १० रुपैयाँले बढाएपछि अब पाकिस्तानमा एक लिटर दूधका लागि २१० रुपैयाँ तिर्नुपर्ने भएको छ ।
मुद्रास्फीति गत वर्षको तुलनामा २४ प्रतिशतले बढ्याे
गत साताकाे मे २ सम्म पाकिस्तानको संवेदनशील मूल्य सूचक (एसपीआई) ३१६.९५ अंक थियो । जुन अघिल्लाे साताकाे ३२०.१४ अंकको तुलनामा थोरै कम हाे। मे २ मा सकिएकाे एसपीआई २४.३७ प्रतिशतले बढेको हाे।
के भन्छन् डेरी फार्मर्स कराँची ?
डेरी फार्मर्स कराँचीका अध्यक्ष मुबाशर कादिर अब्बासीका अनुसार कराँचीका जनताका लागि चाँडै ५० रुपैयाँ वृद्धि हुने अपेक्षा गरिएको छ। अब्बासीले दूध उत्पादन खर्च बढेको उदाहरण दिए ।
यो वृद्धि हुनुमा सरकारको उदासीनता जिम्मेवार रहेको उनको भनाइ छ । उनले जेठ १० गतेसम्म प्राधिकरणले मूल्यवृद्धि घोषणा नगरे साझेदारले मामिला आफ्नो हातमा लिएर सहमति पछि भाउ बढाउने बताए ।
एजेन्सीकाे सहयाेगमा ।