आफ्नै विशेष विमानबाट आइतबार बेइजिङ पुगेका मस्कले सोमबार स्वदेश अमेरिका फर्कनु अघि प्रधानमन्त्री ली कियाङसहित चीनका उच्च अधिकारीसंग लामो छलफल गरेका छन् ।
मस्क केही महिना अगाडि पनि बेइजिङ पुगेका थिए । विश्वको सबैभन्दा ठूलो विद्युतीय कार बजारको रुपमा रहेको चीनमा मस्कले आफ्नो कम्पनीका उत्पादनहरुको बजार विस्तार गर्ने प्रयास गरिरहेका छन् । यस पटक मस्कको भ्रमणको अवसरमा टेस्ला कम्पनीको स्थानीयरूपमा उत्पादित मोडेलहरू विद्युतीय सवारीहरूले चीनको तथ्याङ्क सुरक्षा आवश्यकताहरू पूरा गर्ने प्रतिवद्धता चिनिया बजारमा सूचीबद्ध भएका छन् । टेस्लाले स्थानीय टेक टाइटनसँग मिलेर चीनमा आफ्नो सहायक ड्राइभिङ प्रविधिको विकास र विस्तारको लागि सरकारको स्वीकृति लिने प्रकृया अन्तिम चरणमा पुगेको छ ।