नेपाल राष्ट्र बैंक आर्थिक अनुसन्धान विभागले गरेको वित्तीय क्षेत्र सर्वेक्षण र अन्य वित्तीय संस्था सर्वेक्षणले यस्तो देखाएको हो । विभागका एक अधिकारीले बैंक तथा वित्तीय संस्थाको विदेशी बैंकमा बचत बढेको देखिएको बताए । विशेष गरी विदेशी मुद्रा,एलसी खोल्नुपर्ने रकम लगायत विदेशी बैंकमा जम्मा हुने गरेको छ ।
राष्ट्र बैंकले २०८० असार मसान्तसम्मको तथ्यांकलाई आधार मानेर वित्तीय क्षेत्रको खुद वैदेशिक सम्पत्ति मापन गरेको हो । खुद वैदेशिक सम्पत्ति २०७९ असार मसान्तको भन्दा साढे २४ प्रतिशतले बढी हो । केन्द्रीय बैंकका अनुसार २०७९ को असार मसान्तसम्म वित्तीय क्षेत्रको खुद वैदेशिक सम्पत्ति ११ खर्ब ४९ अर्ब ६४ करेड रुपैयाँ थियो । वित्तीय क्षेत्रको यस्तो सम्पत्ति २०७९ असार मसान्तसम्ममा १३ खर्ब ७० अर्ब ५२ करोड रुपैयाँ र २०७८ असार मसान्तसम्म १३ खर्ब २६ अर्ब ३४ करोड रुपैयाँ थियो ।
वित्तीय क्षेत्रको आन्तरिक सम्पत्ति भने २०८० साल असार मसान्तसम्म ३९ खर्ब २६ अर्ब ३८ करोड रुपैयाँ पुगेको छ । यो अघिल्लो वर्षको २०७९ असार मसान्तको भन्दा ७ दशमलब ६ प्रतिशतले बढी हो । अघिल्लो वर्ष खुद आन्तरिक सम्पत्ति ३६ खर्ब ६८ अर्ब ४० करोड ९६ लाख रुपैयाँ पुगेको थियो ।
वित्तीय क्षेत्रको आन्तरिक दाबी ६८ खर्ब ५० अर्ब ३० करोड रुपैयाँ पुगेको छ । अघिल्लो वर्ष यो सम्पत्ति ६३ खर्ब ५ अर्ब ८१ करोड रुपैयाँ पुगेको छ । वित्तीय क्षेत्रको नेपाल सरकारमाथिको खुद दाबी २०८० असार मसान्तसम्म १० खर्ब २३ अर्ब ९ करोड रुपैयाँ पुगेको छ भने सार्वजनिक गैर वित्तयि संस्थान माथिको दाबी ३१ अर्ब ४४ करोड रुपैयाँ छ । त्यसैगरी निजी क्षेत्रमाथिको दाबी भने ५७ खर्ब ९४ अर्ब ७६ करोड रुपैयाँ पुगेको छ ।
अन्य वित्तीय संस्थाको खुद वैदेशिक सम्पत्ति भने ऋणात्मक
राष्ट्र बैंकको सर्वेक्षण अनुसार प्रत्यक्ष निक्षेप संकलन नगर्ने अन्य वित्तीय संस्थाको खुद वैदेशिक सम्पत्ति भने ऋणात्मक देखिएको छ । सर्वेक्षण अनुसार २०७० असार मसान्तसम्म अन्य वित्तीय संस्थाको खुद वैदेशिक सम्पत्ति ५ अर्ब ५२ करोडले ऋणात्मक रहेको छ । यो सम्पत्ति अघिल्लो वर्ष २०७९ असार मसान्तसम्मसम्म १ अर्ब ७० करोड रुपैयाँ मात्रै ऋणात्मक थियो । राष्ट्र बैंकले प्रत्यक्ष निक्षेप सकंकलन नगरे पनि सम्झौतित बचन परिचालन गर्ने बीमा कम्पनीहरु, कर्मचारी सञ्चय कोष, नागरिक लगानी कोष, नेपाल पूर्वाधार विकास बैंक, हाइड्रोइलेक्ट्रिसिटी इन्भेष्टमेन्ट एन्ड डेभलपमेन्ट कम्पनी, र लघुवित्त वित्तीय संस्थाको वासलातका आधारमा अन्य वित्तीय संस्था सर्वेक्षण तयार पारी प्रकाशन गर्ने गरेको छ ।
अन्य वित्तीय संस्थाको आन्तरिक दाबी २०८० असार मसान्तसम्म १८ खर्ब २७ अर्ब ४६ करोड रहेको छ भने नेपाल सरकारमाथिको दाबी ११ अर्ब १७ करोड रुपैयाँ, सार्वजनिक गैर वित्तीय संस्थान माथिको दाबी २८ अर्ब ७९ करोड रुपैयाँ, निजी क्षेत्रमाथिको दाबी ८ खर्ब ९१ अर्ब ४२ करोड रुपैयाँ र केन्द्रीय बैंक एवम् निक्षेप परिचालन गर्ने बैंक तथा वित्तीय संस्थामाथिको दाबी ८ खर्ब ९६ अर्ब ९ करोड रुपैयाँ पुगेको छ ।