उनीहरुले आफ्ना नातेदार र परिवारका सदस्यहरु विदेशमा गइ पठाएको पैसा सहकारीमा राखेको तर सहकारीबाट अहिले रकम निकाल्न नपाएपछि पारिवारिक कलह शुरु हुन थालेको बताए । पत्रकार सम्मेलनका क्रममा बोल्दै एक सहकारी पीडितले विदेशबाट आफन्तले पठाएको रकम सहकारीमा जम्मा गरेको हो । तर अहिले आफूले उक्त बचत निकाल्न नपाएकाे बताए ।
उनीहरुले पैसा बारम्बार मागिरहेको र पैसा दिन नसक्दा रिसाएर बोल्न छोडेको बताए । सहकारीमा दुःख गरेर जम्मा गरेको पैसा पाउँ भनेर सिंहदरबारसम्म धाउँदा पनि सरकारले बेवास्ता गरेको उनीहरुको आरोप छ । सर्वसाधारणले दुःखले बचत गरेको बचत खाएर भाग्ने छुट कसैलाई छैन । सरकारले तत्काल कारबाहीको दायरामा ल्याउन पर्ने उनीहरुकाे भनाइ छ ।