कारोबार बन्द हुँदा नेप्से फेरि ७ अंकले सकारात्मक भई ९१६.७४ मा पुगेको छ । आईतबारको तुलनामा कारोबार रकम ७ करोड भन्दा बढीले
बढेर ३५ करोड ७२ लाख रुपैयाँको शेयर बिनबेच भएको छ । यस दिन नेपाल बैंकको सबैभन्दा धेरै ७ करोड ३१ लाख रकम बराबरको शेयर किनबेच भएको छ । त्यसैगरी केही बिकास बैंकहरुको शेयर मूल्य उच्च दरमा बढेका छन् । यस दिन ब्यापार र बिकास बैंक समूह सूचक घटे पनि अरु समूह सूचकहरु सकारात्मक देखिए ।
आईतबार नेप्सेमा तीब्र उछाल आई ३९ अंक भन्दा बढीले बढेको थियो । कारोबार रकम पनि गत बिहीबारको तुलनामा १० करोड भन्दा बढीले बढेको थियो ।
समग्र बजार बढ्ने क्रममा नै रहेको देखिए पनि नाफा सुरक्षित गर्नेहरुका कारण उतार चढाव आउनु स्वभाविक मान्न सकिन्छ ।
