कारोबार रकम अघिल्लो दिनको तुलनामा झण्डै २ करोडले बढेर १७ करोड ७६ लाख बराबरको शेयर खरिद बिक्री भएको छ । बीमा, जलविद्युत, बैंकिङ, बिकास बैंक र अन्य समूहरुमा आशलाग्दो बृद्धि देखिएको छ । यस दिन साधारणसभाको लागि शेयरधनी दर्ता किताव बन्द भएर शेयर मूल्य समायोजन भई कारोबार खुलेको स्वावलम्बन बिकास बैंकको शेयर मूल्य सबैभन्दा धेरै प्रतिशतले बढेको छ भने केही बिकास बैंक र फाईनान्स कम्पनीहरुको शेयर मूल्य धेरै प्रतिशतले घटेको छ । एनसीसी बैंकको शेयर नामसारी बिबादले निर्धारित साधारण सभाको मिति र शेयरधनी दर्ता किताब बन्दको
कार्यक्रम स्थगित भएर अन्योल उत्पन्न भएपनि खाली हस्तान्तरणमा रहेको शेयर बेच्न नपाउने नेप्सेको निर्देशन आएपछि सो कम्पनीको शेयर मूल्य पनि बढेको छ ।
कारोबार रकम बढी हुनेहरुमा भने प्राईम बैंक, नेपाल लाईफ र चिलिमे जलविद्युत रहे ।
नयाँ संबिधान लेखनमा देखिएको अन्योलले शेयर बजार पनि प्रभावित हुँदै आएको छ ।
