‘हामीले अहिले पनि चुक्ता पूँजी बृद्धिका लागि १९ प्रतिशत बोनश सेयर वितरण गरिरहेका छौं,’ उनले भने, ‘अव 
बैंकको चुक्ता पूँजी पाँच अर्व पु¥याउने विषयमा पनि गृहकार्य भइरहेको छ ।’
१९ प्रतिशत बोनश सेयर वितरणपछि बैंकको चुक्ता पूँजी ३ अर्व १४ करोड रुपैयाँ पुगेको छ । राष्ट्र बैंकको नीति अनुसार बाणिज्य बैंकको चुक्ता पूँजी २ अर्ब रुपैयाँ चाहिनेमा हामीले ३ अर्बभन्दा बढी बनाईसकेका छौं,’ उनले भने, ‘ तर पनि बैंकले आफ्नो कारोबार दायरा बढाई अन्य प्रतिस्पर्धी बैंकहरुको दाँजोमा उभिन चुक्ता पूँजी बढाउँदै लैजानु आबश्यक छ ।
हालै बैंक संचालक समितिले अधिकृत पूँजी पाँच अर्व पु¥याउने निर्णय गरेकोमा सो निर्णयलाई नेपाल राष्ट्र बैंकले समेत स्वीकृति दिइसकेको छ । पुस २९ गते हुने बैंकको सातौं साधारणसभाले पारित गरेमा बैंकको अधिकृत पूँजी पाँच अर्ब हुनेछ ।
उनले पूँजी बृद्दिका लागि तत्काल अन्य बैंक तथा बित्तीय संस्थाहरुसँग मर्जमा भने नजाने स्पष्ट पारे । मानन्धरका अनुसार बैंकले गत शुक्रबार सम्ममा कुल ३७ अर्व निक्षेप संकलन गरी ३० अर्वभन्दा बढी रकम कर्जा प्रवाह गरेको छ । बैंकले चालू आर्थिक बर्षको पहिलो त्रैमासमा १६ करोड रुपैयाँभन्दा बढी नाफा आर्जन गरेको थियो ।
