बैंकका कार्यकारी प्रमुख कमलबहादुर खत्रीले तत्काल बैंकले पूँजी बृद्दि गर्ने गरी कुनै पनि प्रस्ताव आसन्न साधारणसभामा नलैजाने स्पष्ट पार्नुभएको छ । उहाँले बैंकले राष्ट्रियस्तरको कार्य क्षेत्र विस्तार गर्ने भएमा भने त्यसबारे आगामी बर्षमा के गर्ने भन्ने बारेमा संचालक समितिले गर्ने निर्णय अहिले नै निश्चित गर्न नसकिने बताउनुभयो ।
५ करोड चुक्ता पूँजी रहेको सो बैंकको १० जिल्ला कार्य क्षेत्र र २० वटा शाखाहरु छन् । राष्ट्रियस्तरको लघुवित्त बिकास बैंकका लागि १० करोड चुक्ता पूँजी चाहिने भएकाले बैंकले आगामी बर्ष बोनस र हकप्रद शेयर जारी गर्नसक्ने संभावना भने देखिन्छ । यही संभावनाकै आधारमा मात्र दोस्रो बजारमा त्यस बैंकको शेयरमा लगानी बढाउनु कति उचित होला भन्ने तर्फ विचार गर्नु आबश्यक भएको लगानीकर्ताहरु बताउँछन् ।
बैंकले गत आर्थिक बर्षमा ४७ लाख खुद नाफा गरेकोमा त्यसलाई जगेडा कोषमा राखेको छ ।